Сяргей Чэрачань адмаўляецца ад пікетаў. Але будзе агітаваць за сябе
Фота Надзеі Бужан
Штаб кандыдата на прэзыдэнта Сяргея Чэрачня цалкам адмовіўся ад правядзеньня пікетаў, каб не «размываць» галасы. Аднак Сяргей Чэрачань будзе працягваць агітацыйную кампанію: выступаць па радыё і тэлебачаньні, удзельнічаць у дэбатах, даваць інтэрв'ю, піша Радыё Свабода.
«Цяпер ёсьць кандыдат, якога падтрымлівае вялікая колькасьць насельніцтва. Ёсьць наша пазыцыя: мы засяроджваемся на іншай мэтавай аўдыторыі — бізнэс-супольнасьці, інтэлігенцыі. А ў іх крыху іншая аўдыторыя.
Але мы цудоўна разумеем, што ім патрэбная падтрымка. Калі мы зараз актыўна пачнём агітаваць і ў пэўнай ступені «размываць» галасы, у дадзенай сытуацыі гэта ня будзе стратэгічна правільным рашэньнем. З гэтай прычыны мы сапраўды пакуль не праводзім пікеты», — патлумачыў Сяргей Чэрачань.
Раней штаб Сяргея Чэрачня падаў 6 паведамленьняў аб правядзеньні 138 пікетаў.
Аднак адмена пікетаў не азначае, што каманда Чэрачня зусім ня будзе праводзіць агітацыйную кампанію.
«Я буду выступаць па радыё і тэлебачаньні, у тэледэбатах, даваць інтэрвію і даносіць тую канцэпцыю, тую праграмную частку, якую распрацавала наша каманда. То бок мы будзем паўнавартасна ўдзельнічаць у гэтай кампаніі. Але пытаньне па агітацыі пакуль у падвешаным стане. Якраз з прычыны таго, што мы разумеем складанасьць сытуацыі і не хацелі б нашкодзіць», — кажа Сяргей Чэрачань.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы45
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары