Aŭtar knihi Jury Harbinski zasiarodziŭ uvahu najpierš na relihijnym pieryjadyčnym druku i hrafičnych vydańniach (paštoŭkach, pamiatnych kartkach, markach i h.d.) biełarusaŭ na Zachadzie.
Jury Harbinski. Biełaruski relihijny druk na Zachadzie: peryjodyka, hrafičnyja druki (1945—2005). Ńju‑Jork—Varšava, 2009. — 884 s.: ił. + SD
Pabačyła śviet kniha, pryśviečanaja relihijnamu druku na emihracyi — sumiesnaje vydańnie Biełaruskaha instytutu navuki i mastactva, kafiedry Biełaruskaj fiłałohii fakulteta prykładnoj linhvistyki i uschodniesłavianskich fiłałohij Varšaŭskaha ŭniviersitetu i Instytuta słavistyki Polskaj akademii navuk.
Aŭtar knihi Jury Harbinski — daśledčyk relihijnaj historyi biełaruskaj emihracyi —
zasiarodziŭ uvahu najpierš na relihijnym pieryjadyčnym druku i hrafičnych vydańniach (paštoŭkach, pamiatnych kartkach, markach i h.d.) biełarusaŭ na Zachadzie.
Daśledavańnie składajecca ź piaci asnoŭnych radziełaŭ. U pieršym razhladajecca relihijnaja pieryjodyka jak pradmiet daśledavańnia. Aŭtar analizuje stan vyvučeńnia i asnoŭnyja krynicy daśledavańnia, a taksama sposaby ŭliku i rehistracyi pieryjadyčnych vydańniaŭ biełaruskaj emihracyi.
Asobny raździeł knihi pryśviečany pieryjadyčnamu druku na Zachadzie całkam.
Heta najbolš hruntoŭnaje na siońnia analityčnaje daśledavańnie, pryśviečanaje hetamu vidu drukavanych vydańniaŭ emihracyi.
Aŭtar razhladaje asablivaści raźvićcia pieryjadyčnaha druku biełarusaŭ na Zachadzie, tematyku i pieryjadyčnaść vydańniaŭ, techničnyja asablivaści vydańniaŭ, nakłady, košty, sposaby raspaŭsiudu i h.d.
Treciaja častka knihi pradstaŭlaje asablivaści mienavita relihijnaj pieryjodyki emihracyi. Padajecca kanfiesijna‑statystyčnaja panarama vydańniaŭ pa asobnych rehijonach: Zachodniaja Jeŭropa, Paŭnočnaja Amieryka, Paŭdniovaja Amieryka, Aŭstralija, a taksama analizujecca pieryjadyčnaść i infarmacyjny profil vydańniaŭ, skład redakcyj, kantynhient čytačoŭ, źmiest i tematyku materyjałaŭ, movu i hrafiku, techničnyja asablivaści druku i nakłady i h.d.
Na padstavie paraŭnańnia źviestak pra biełaruski pieryjadyčny druk na Zachadzie całkam i relihijny druk jak asobnuju jaho halinu Jury Harbinski admysłovy raździeł svajoj knihi - jon zajmaje bolšuju častku vydańnia - skłaŭ u vyhladzie statystyčnych tablic, schiemaŭ i dyjahram, na jakich adlustroŭvajucca suadnosiny vydańniaŭ pa roznych paramietrach dla asnoŭnych krain biełaruskaj prysutnaści. Značnaj dapamohaj aŭtaru ŭ składańni takoj statystyki stała «Biblijahrafija biełaruskaha druku na Zachadzie» Zory i Vitaŭta Kipielaŭ.
U knizie «Biełaruski relihijny druk na Zachadzie» zroblena, napeŭna, adna ź pieršych sprobaŭ sistematyzacyi i analizu hrafičnych drukaŭ biełaruskaj dyjaspary — relihijnych i śvieckich paštovak, pamiatnych kartak, marak — techničnych asablivaściej ich vydańnia, vydaŭcoŭ, nakładaŭ i h.d.
U dadatkach da knihi źmieščany kalarovyja vyjavy takich hrafičnych drukaŭ, a taksama vokładak i tytulnych listoŭ značnaj častki znojdzienych aŭtaram relihijnych pieryjodykaŭ. Admysłovym dadatkam da knihi jość CD, na jakim raźmieščany PDF‑fajły z tablicami statystyki biełaruskich pieryjadyčnych vydańniaŭ pa asobnych krainach.
Bahata ilustravanaje i jakasna vydadzienaje daśledavańnie Juryja Harbinskaha budzie cikavaje jak dla prafiesijnych navukoŭcaŭ, hetak i dla amataraŭ biełaruskaj historyi i kultury.
Na žal, vydadzienaje ŭ Polščy, jano maje vielmi abmiežavanyja mahčymaści źjaŭleńnia ŭ Biełarusi.
35 maładych biełarusaŭ i biełarusak, za jakimi varta sačyć: apublikavany pieršy śpis Next 3532
Kamientary