Nacyjanalny bank Biełarusi nie ŭvodziŭ nijakich dadatkovych abmiežavańniaŭ na kuplu zamiežnaj valuty.
Ab hetym BiełaPAN zajaviŭ pres-sakratar — načalnik upraŭleńnia infarmacyi hałoŭnaha banka krainy Anatol Drazdoŭ.
«Nijakich pastanoŭ pa pryčynie abmiežavańniaŭ prodažu valuty na biržy ci pazabiržavym rynku Nacyjanalny bank nie prymaŭ. Listoŭ padobnaha źmiestu hałoŭny bank krainy bankam taksama nie rassyłaŭ», — padkreśliŭ Drazdoŭ.
Pavodle jaho słoŭ, «u vusnaj formie» nikomu z bankaŭ taksama nijakaj padobnaj infarmacyi Nacbankam nie davodziłasia.
Ahienctva AFN raspaŭsiudziła infarmacyju, u jakoj śćviardžajecca, što 18 maja biełaruskija banki, jak dziaržaŭnyja, tak i kamiercyjnyja, admovilisia prymać u svaich klijentaŭ zajaŭki na kuplu zamiežnaj valuty dla apłaty impartnych kantraktaŭ.Pryčym havorka nie idzie pra avansavyja płaciažy ŭ zamiežnaj valucie, na praviadzieńnie jakich užo dziejničajuć abmiežavańni. Śćviardžajecca, što asobnyja dziaržbanki adpraŭlajuć svaich klijentaŭ da miascovych uład dla ŭzhadnieńnia zajavak na kuplu valuty, a bankam rekamiendavana zadavalniać zajaŭki klijentaŭ na pazabiržavym rynku za vyklučeńniem apłaty miedpreparataŭ.
Nahadajem, 11 listapada 2008 hoda praŭleńnie Nacbanka pryniało pastanovu № 165 «Ab paradku ažyćciaŭleńnia raźlikaŭ pa źniešniehandlovych damovach, jakija praduhledžvajuć impart». Hety dakumient, jaki ŭvajšoŭ u siłu 16 listapada, značna abmiežavaŭ mahčymaści nabyćcia zamiežnaj valuty, u pryvatnaści zabaraniŭ kuplu zamiežnaj valuty dla ažyćciaŭleńnia pieradapłaty pa impartnych kantraktach. Paźniej Nacbank adkarektavaŭ heta dakumient u bok niekatoraj libieralizacyi.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary