Były hienieralny sakratar NATA: Pucin chacieŭ ustupić u aljans, ale byŭ adzin niuans
Uładzimir Pucin chacieŭ, kab Rasija ŭstupiła ŭ NATA, ale nie chacieŭ, kab jaho kraina prachodziła zvyčajny praces padačy zajavak i stała ŭ čarhu «sa šmatlikimi niaznačnymi krainami». Pra heta raskazaŭ były hienieralny sakratar NATA Džordž Robiertsan.
Robiertsan, jaki ŭznačalvaŭ NATA ŭ pieryjad z 1999 da 2003 hoda, skazaŭ, što Pucin jasna daŭ zrazumieć na ich pieršaj sustrečy, što jon choča, kab Rasija stała častkaj Zachodniaj Jeŭropy.
Robiertsan uspomniŭ rańniuju sustreču z Pucinym, jaki staŭ prezidentam u 2000 hodzie. «Pucin skazaŭ: «Kali vy źbirajeciesia zaprasić nas u NATA?» — i ja skazaŭ: «Nu, my nie zaprašajem ludziej tudy, jany ŭstupajuć u NATA, jany padajuć zajaŭku na ŭstupleńnie ŭ NATA». I jon skazaŭ: «Nu, my nie staim u adnym šerahu z roznymi krainami, jakija nie majuć značeńnia».
Hety raskaz pieraklikajecca z tym, što Pucin skazaŭ u intervju BBC niezadoŭha da taho, jak jon upieršyniu ŭstupiŭ na pasadu prezidenta Rasii bolš za 21 hod tamu.
Pucin tady zajaviŭ, što nie vyklučaje dałučeńnia da NATA, «kali pohlady Rasii buduć pryniatyja pad uvahu jak pohlady raŭnapraŭnaha partniora».
Jon skazaŭ, što jamu składana razhladać NATA jak voraha.
«Rasija — častka jeŭrapiejskaj kultury. I ja nie mahu ŭjavić svaju krainu izalavanaj ad Jeŭropy i ad taho, što my časta nazyvajem cyvilizavanym śvietam», — skazaŭ Pucin.
Paśla Aranžavaj revalucyi va Ukrainie ŭ 2004 hodzie Pucin staŭ naściarožana stavicca da Zachadu, jaki jon abvinavaciŭ u finansavańni NDA. Jon taksama byŭ aburany ekspansijaj NATA ŭ Centralnuju i Uschodniuju Jeŭropu: Rumynija, Bałharyja, Słavakija, Słavienija, Łatvija, Estonija i Litva vyrašyli dałučycca da aljansu ŭ 2004 hodzie, Charvatyja i Ałbanija ŭ 2009 hodzie. A ŭ Rasii tak ničoha i nie vyjšła.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary