Prakuratura abvinavaciła žychara Žabinki ŭ zryvie antypolskaha pikieta BRSM — jon atrymaŭ 1,5 hoda kałonii
La budynka Hienieralnaha konsulstva Polščy ŭ Breście 19 krasavika prachodziŭ pikiet BRSM «suprać dziejańniaŭ polskich uładaŭ». Jak śćviardžaje prakuratura, jaki prachodzić mima mužčyna abražaŭ udzielnikaŭ pikietu. Pavodle pravaabaroncaŭ, jon kryknuŭ im: «Biez Łukašenki!» Jaho abvinavacili ŭ chulihanstvie i dali paŭtara hoda «chimii», paviedamlaje Zerkalo.io.
U viedamstvie śćviardžajuć, što 48-hadovy žychar Žabinki 19 krasavika «sarvaŭ praviadzieńnie pikietu pradstaŭnikami Bresckaj abłasnoj arhanizacyi HA «BRSM» suprać dziejańniaŭ polskich uładaŭ pa znosie pomnikaŭ voinam-vyzvalicielam časoŭ Vialikaj Ajčynnaj vajny nasuprać Hienieralnaha konsulstva Polščy ŭ Breście».
Pavodle źviestak prakuratury, «jon hruba parušaŭ hramadski paradak i vykazvajučy vidavočnuju niepavahu da hramadstva, dziejničajučy z vyklučnym cynizmam, vykrykvaŭ źnievažalnyja vykazvańni, a taksama repliki z vykarystańniem niecenzurnaj leksiki na adras udzielnikaŭ pikietu». Pa danych pravaabaroncaŭ, prachodziačy mima udzielnikaŭ pikietu jon kryknuŭ «Biez Łukašenki»»
Sud Leninskaha rajona Bresta pryznaŭ mužčynu vinavatym u chulihanstvie (č. art. 339 KK Biełarusi) i vynies prysud — 1,5 hoda «chimii».
Prysud nie nabyŭ zakonnuju moc, moža być abskardžany i apratestavany ŭ apielacyjnym paradku
Ciapier čytajuć
Bialacki pra mahčymyja pieramovy: Razmaŭlać prychodzicca i z bandytami1
Kamientary