Пракуратура абвінаваціла жыхара Жабінкі ў зрыве антыпольскага пікета БРСМ — ён атрымаў 1,5 года калоніі
Ля будынка Генеральнага консульства Польшчы ў Брэсце 19 красавіка праходзіў пікет БРСМ «супраць дзеянняў польскіх уладаў». Як сцвярджае пракуратура, які праходзіць міма мужчына абражаў удзельнікаў пікету. Паводле праваабаронцаў, ён крыкнуў ім: «Без Лукашэнкі!» Яго абвінавацілі ў хуліганстве і далі паўтара года «хіміі», паведамляе Zerkalo.io.
У ведамстве сцвярджаюць, што 48-гадовы жыхар Жабінкі 19 красавіка «сарваў правядзенне пікету прадстаўнікамі Брэсцкай абласной арганізацыі ГА «БРСМ» супраць дзеянняў польскіх уладаў па зносе помнікаў воінам-вызваліцелям часоў Вялікай Айчыннай вайны насупраць Генеральнага консульства Польшчы ў Брэсце».
Паводле звестак пракуратуры, «ён груба парушаў грамадскі парадак і выказваючы відавочную непавагу да грамадства, дзейнічаючы з выключным цынізмам, выкрыкваў зневажальныя выказванні, а таксама рэплікі з выкарыстаннем нецэнзурнай лексікі на адрас удзельнікаў пікету». Па даных праваабаронцаў, праходзячы міма удзельнікаў пікету ён крыкнуў «Без Лукашэнкі»»
Суд Ленінскага раёна Брэста прызнаў мужчыну вінаватым у хуліганстве (ч. арт. 339 КК Беларусі) і вынес прысуд — 1,5 года «хіміі».
Прысуд не набыў законную моц, можа быць абскарджаны і апратэставаны ў апеляцыйным парадку
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі23
Каментары