U Minsku prachodzić najfajniejšy teatralny fiestyval «Panarama».
U Minsku prachodzić najfajniejšy teatralny fiestyval «Panarama». Užo amal skončyłasia biełaruskaja častka, a nas čakaje jašče mižnarodnaja prahrama.
Śpiektakli inšaziemnych teatraŭ buduć prachodzić časam na nacyjanalnych movach, adnak hledačy zrazumiejuć usio, što adbyvajecca na scenie, dziakujučy sinchronnamu pierakładu abo subtytram.
16 i 17 kastryčnika. Łaŭreat jeŭrapiejskaj premii «Novaja teatralnaja realnaść» režysior Ałvis Chiermanis sa svaim Novym ryžskim teatram pradstavić mieładramu ź pieraapranańniem «Sonia» pavodle burlesknych apaviadańniaŭ Taćciany Tałstoj.
19 kastryčnika. «Pralatajučy nad hniazdom ziaziuli» Kiena Kizi. Uładalnik prestyžnaj «Załatoj maski» Baškirski dziaržaŭny akademičny teatr dramy imia Mažyta Hafury. Pačatak a 19‑j.
22 kastryčnika. Teatr Askarasa Karšunovasa pakaža šekśpiraŭski «Son u letniuju noč». Pačatak a 19‑j. Askaras Karšunovas — adzin z samych viadomych maładych režysioraŭ Jeŭropy, uładalnik teatralnych premijaŭ na Edynburhskim i Ryžskim fiestyvalach.
24 kastryčnika. Dramatyčny teatr imia Puškina (Mahnitahorsk) pakaža rasijskuju kłasiku pavodle Astroŭskaha «Navalnica». Pačatak a 19‑j.
25 kastryčnika. Z bolš ekzatyčnych krainaŭ: na fiestyvali vystupić teatr Gota Dulce ź Vieniesueły. Pastanoŭka «Hocin… usia reč u miry».
27 kastryčnika. Nie abydziecca i biez pryŭkrasnaj panaramaŭskaj zaviadzionki: kancert hurtoŭ, jakija składajucca z artystaŭ dramatyčnych teatraŭ, «Teatralny saŭnd». Udzielničajuć: «Srebnaje viasielle», «Dziecidziaciej», Naka, Malanka‑orchestra dy inšyja. Pačatak a 19‑j.
31 kastryčnika. Zakryje prahramu śpiektakl «Arlekin — słužka dvuch haspadaroŭ» miłanskaha teatra Piccolo Teatro di Milano, jakomu suśvietnuju viadomaść prynios zasnavalnik — słynny teatralny režysior i dramaturh Džordža Streler. Redki prykład praŭdzivaha teatralnaha čaraŭnictva, śpiektakl «Arlekin», žyvie svaim žyćciom ad časoŭ stvareńnia teatra, zaznaŭšy šmatlikija adnaŭleńni i madyfikacyi. Da 1961 rol Arlekina vykonvaŭ vialiki Marčeła Mareci, a paśla jaho śmierci ŭ 1963 — Fieruča Salery, čyje daścipnyja i płastyčna virtuoznyja truki ŭvajšli va ŭsie teatralnyja chrestamatyi śvietu. Pačatak a 12‑j i 19‑j.
-
U Varšavie projdzie knižny markiet u padtrymku biełaruskich vydaviectvaŭ
-
«O, žienŝina iz roda Rohvołoda!»: Vialiki teatr abvieściŭ konkurs na ruskamoŭnuju opieru-balet pra połackich kniazioŭ
-
Tualet typu dzirka ŭ padłozie i šalony choład u zale: biełarusy abmiarkoŭvajuć, čamu z dres-kodam u teatry budzie składana
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie17
Kamientary