Tavarystva biełaruskaj škoły ŭ Hrodnie straciła ofis praź biezhrašoŭje
Štomiesiačnaj płaty za arendu 5 miljonaŭ rubloŭ TBŠ nie paciahnuła.
Štomiesiačnaj płaty za arendu 5 miljonaŭ rubloŭ TBŠ nie paciahnuła. Źnik lehiendarny asiarodak biełaruščyny.
Kiraŭnictva miascovaha Tavarystva biełaruskaj škoły bolš nie moža apłočvać arendu pamiaškańnia. Płošča ofisa TBŠ — amal 90 kv m. Štomiesiačnaja płata za arendu razam z padatkam na dadadzienuju vartaść, kamunalnymi vypłatami i pasłuhami suviazi składaje bolš za 5 miljonaŭ rubloŭ.
Pavodle słovaŭ staršyni Tavarystva biełaruskaj škoły Taćciany Kanopkinaj, hramadskaje abjadnańnie nie ŭ stanie nadalej vydatkoŭvać takuju vializnuju sumu tolki na ŭtrymańnie ofisa.
«My źmienim pakoj, ale jurydyčny adras zachavajem, — raskazała NN Taćciana Kanopkina. — Źmiena miesca znachodžańnia admoŭna nie paŭpłyvaje na našu dziejnaść. My budziem praciahvać ładzić kulturnickija viečaryny dla haradziencaŭ».
TBŠ arandavała ofis va unitarnaha pradpryjemstva «Fort». Pavodle T. Kanopkinaj, usie sproby damovicca z ułaśnikam UP ab źnižeńni cenaŭ stanoŭčych vynikaŭ nie prynieśli.
U dadzienym pamiaškańni hrodzienskaje adździaleńnie TBŠ ładziła kulturna‑aśvietnickija mierapryjemstvy z 2003 hoda.
«Impreza adbudziecca pa adrasie Budzionnaha
Pierad tym 7 hadoŭ, až da svajho zakryćcia, tut mieściłasia «Ratuša». Pa słovach Alaksandra Milinkieviča, jaki ačolvaŭ hramadskaje abjadnańnie ŭ siaredzinie90-ch , heta było simvaličnaje miesca.
U hetych ścienach prajšli ŭstanoŭčyja schody rehijanalnaj kaalicyi «Haradzienskaja inicyjatyva» S. Domaša, Ruchu «Za svabodu». Tut ź miascovaj hramadoj sustrakalisia Arłoŭ, Volski i Bułhakaŭ.
Siarod zasnavalnikaŭ «Ratušy» byŭ viadomy bard Viktar Šałkievič: «Źjaŭleńnie takoha asiarodku — simvał svajho času. Heta było znakam adnaŭleńniaŭ u hramadstvie, — kaža jon. — Jašče doŭha šmat narodu budzie ŭspaminać z udziačnaściu hetaje miesca. Buduć pamylacca dźvierami i zapytvacca: «Dzie tut była «Ratuša?», «Dzie ciapier TBŠ?»
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary