Hramadstva22

«Na biełaruskim froncie pieramahaje Pucin». U Vilni na Kanfierencyi Kalinoŭskaha abmiarkoŭvajuć, jak być Biełarusi 

U litoŭskim Siejmie prachodzić dvuchdzionnaja Kanfierencyja Kalinoŭskaha.

Kanfierencyja Kalinoŭskaha ŭ Vilni prachodzić 22-23 sakavika. Fota: Ofis Śviatłany Cichanoŭskaj

Śviatłana Cichanoŭskaja vystupiła na adkryćci kanfierencyi. Jana zaklikała zachoŭvać pytańnie Biełarusi na paradku dnia. Taksama Cichanoŭskaja padkreśliła važnaść dapamohi Ukrainie i adznačyła: Biełaruś — samaje słaboje źviano pucinskaj vajskovaj mašyny. 

«Siońnia ŭ našym rehijonie znoŭ vyrašajecca los svabody, demakratyi i prava narodaŭ na samavyznačeńnie. Jon vyrašajecca na frantach Ukrainy. Jon taksama vyrašajecca ŭ Biełarusi, u Małdovie. I znoŭ my supraćstaim toj ža samaj impieryi», — pramaŭlała Cichanoŭskaja.

Kanfierencyja Kalinoŭskaha ŭ Vilni prachodzić 22-23 sakavika. Fota: Ofis Śviatłany Cichanoŭskaj

«Impieryja sprabuje źniščyć nie tolki prava našaha naroda na niezaležnaje žyćcio, ale i samu jaho identyčnaść — movu, kulturu, histaryčnuju pamiać, jeŭrapiejskija kaštoŭnaści. Rasijanie robiać heta dla taho, kab ablehčyć i apraŭdać dalejšuju ahresiju».

Z pasłańniem vystupiŭ taksama kamandzir pałka Kalinoŭskaha Dzianis «Kit» Procharaŭ.

«Siońnia biełarusy pralivajuć kroŭ za Ukrainu, bo tolki pieramoha Ukrainy daść šaniec na vyzvaleńnie Biełarusi i zaścieraže krainy Jeŭropy ad rasijskaj ahresii ŭ najbližejšaj budučyni», — adznačyŭ jon. 

Padčas adnoj z dyskusij vystupiŭ palityk Anatol Labiedźka. Jon zaŭvažyŭ, što ŭ Pucina jość stratehija pa Biełarusi — zachapić jaje, u toj čas, kali ŭ Vašynhtona i Brusela kankretnaj stratehii pa našaj krainie niama.

«A heta aznačaje, što my pavinny kanstatavać: na biełaruskim froncie pieramahaje Pucin. Pucin maje nie tolki ščylnuju supracu sa svaim ideałahičnym bratam Alaksandram Łukašenkam — Pucin adkryŭ dźviery navučalnych ustanoŭ dla maładych biełarusaŭ, Pucin zrabiŭ maksimalna libieralnym pravavoje stanovišča biełarusaŭ u Rasii. Ci majem my takija kroki z boku našych siabroŭ z Zachadu? Pytańnie rytaryčnaje», — razvažaŭ jon.

Labiedźka vykazaŭsia, što stratehičny dyjałoh z Vašynhtonam i Bruselem treba napaŭniać kankretnymi dziejańniami, zafiksavać pierśpiektyvu intehracyi Biełarusi ŭ ES.

«Niedapuščalna skaračeńnie padtrymki maśmiedyja ŭ situacyi, kali idzie infarmacyjnaja vajna, my sami stralajem sabie ŭ nahu», — dadaŭ Labiedźka.

Kiraŭnica departamienta MZS Hiermanii ŭ spravach RF i Biełarusi Monika Lenchard zaŭvažyła, što ES pavinien spryjać tamu, kab biełarusy mahli jeździć pa śviecie.

«Tyja ludzi, jakija vystupajuć suprać režymu, suprać ahresiŭnaj vajny Rasii — kab jany mahli padtrymlivać suviaź. Heta prostyja hramadzianie, jakija nie majuć ničoha ahulnaha z režymam. Heta aznačaje, što pajezdki pamiž Biełaruśsiu i Jeŭrasajuzam pavinny być mahčymy».

Namieśnik staršyni Kamiteta zamiežnych spraŭ litoŭskaha Siejmu Hiedrus Surplis adznačyŭ, što treba i dalej padtrymlivać biełaruskija demakratyčnyja siły.

Jon taksama zaŭvažyŭ, što biełarusy štohod pa 3 młn razoŭ pierasiakajuć miažu ź Litvoj.

«U častki nasielnictva Litvy hety vyklikaje napružańnie», — adznačyŭ jon. I dadaŭ, što jany sutykajucca z vyklikami dla nacyjanalnaj biaśpieki. «Treba akazvać padtrymku krainam-členam ES, u jakich zasiarodžany biełaruskija demakratyčnyja siły», — kazaŭ jon. 

Tranślacyja kanfierencyi dastupna anłajn.

Kanfierencyja Kalinoŭskaha — heta štohadovy kruhły stoł viadomych suśvietnych lidaraŭ i ekśpiertaŭ pra budučyniu Biełarusi jak častku jeŭrapiejskaj siamji. Upieršyniu prajšoŭ u Vilni 24 žniŭnia 2020 hoda. 

Kamientary2

  • Hańba
    22.03.2024
    A chto tam idzie? To bok, pradstaŭlaje biełarusaŭ? Ja ničoha nie maju suprać zhadanych asobaŭ, ale jak tudy ŭ pryncypie možna było patrapić? Ci była mahčymaść dasłać na razhlad pytańni i prapanovy? Ci było jak zaŭždy?
  • Tak
    22.03.2024
    na biełaruskim froncie pieramahaje Pucin
    Prablema ŭ tym, što pieramahaje nie sam Pucin, a Rasija i russkij mir. Kali navat na NN rehularna pišuć pra rasiejskija zorki, što tady kazać pra Biełaruś, dzie žychary nie mohuć žyć biez rasiejščyny - mova, kultura, papkultura i tak dalej.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie

«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie

Usie naviny →
Usie naviny

«Jon zabyŭsia, što ŭ našaj krainie čas — ništo». Kłasičny kitajska-amierykanski biestseler vyjšaŭ pa-biełarusku2

Pamierła Kaciaryna Jahorava (Nieściarovič)

Mocny viecier paškodziŭ dachi, pavaliŭ dziasiatki drevaŭ — MNS raskazała pra nastupstvy ŭčorašniaj bury

Ałbanija viarnuła biaźviz dla biełarusaŭ na peŭnych umovach

Siamidzionnaje łasianiatka adstała ad mamy łasichi i prybiłasia da statka karoŭ u Pastaŭskim rajonie2

Pakistancy ŭžo pracujuć u Biełarusi. Videa z Babrujsku ź imi ablacieła tyktok40

Vajujučy za Rasiju, zahinuŭ były rabotnik minskaha HUMa3

«Čyrvonyja linii»: Tramp adkazaŭ, pry jakich umovach ZŠA vyjduć ź pieramoŭ adnosna vajny

Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA24

bolš čytanych navin
bolš łajkanych navin

«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie

«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie

Hałoŭnaje
Usie naviny →

Zaŭvaha:

 

 

 

 

Zakryć Paviedamić