U Čarnihavie pastaviać miemaryjalnuju šyldu Kastusiu Kalinoŭskamu z cytataj pa-biełarusku
«Bo ja tabie z-pad šybienicy kažu, Narodzie, što tahdy tolki zažyvieš ščaśliva, kali nad taboju Maskala ŭže nia budzie».
U Čarnihavie źjavicca miemaryjalnaja šylda, pryśviečanaja Kastusiu Kalinoŭskamu. Dazvoł na ŭstanoŭku šyldy dała haradskaja rada.
U pačatku 2024 hoda ŭ Čarnihavie źjavilisia vulica i zavułak Kalinoŭskaha. Ciapier na adnym z budynkaŭ u centry vulicy źjavicca miemaryjalnaja šylda z cytataj Kalinoŭskaha na biełaruskaj movie i bijahrafičnaj daviedkaj, paviedamlaje vydańnie 0462.ua.
Chutčej za ŭsio, na došku naniasuć cytatu z «Piśmaŭ z-pad šybienicy»:
«Bo ja tabie z-pad šybienicy kažu, Narodzie, što tahdy tolki zažyvieš ščaśliva, kali nad taboju Maskala ŭže nia budzie».
Hrošy na ŭstalavańnie miemaryjalnaj šyldy źbirajuć biełaruskija dobraachvotniki i fond «Vilna Biłoruś». Akramia šyldy, płanujecca ŭstalavać i infarmacyjny stend pra biełaruskaha nacyjanalnaha hieroja.
Cikava, što na pasiadžeńni vykankama haradskoj rady načalnik upraŭleńnia kultury i turyzmu Alaksandr Šaŭčuk nazvaŭ Kalinoŭskaha «biełaruskim Banderam», adnak v. a. mera Čarnihava nazvaŭ takija paraŭnańni hłupstvam.
Rašeńnie ab ustalavańni miemaryjalnaj šyldy vykankam haradskoj rady Čarnihava pryniaŭ adnahałosna.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary
"Konstantin Kalinovskij s nastrojenijem hiercienovskoj škoły vo hłavie čiestolubiviejšich ličnostiej iz krasnych litvinov nastojčivo provodił idieju o samostojatielnosti Litvy"
"Mužyckaja praŭda" – pieršaja biełaruskamoŭnaja hazieta. Vydavaŭ jaje razam z paplečnikami Kastuś Kalinoŭski. Ujaŭlała saboj arkuš papiery z nadrukavanym łacinkaj na adnym ci abodvuch bakach tekstam. Hazieta niesła revalucyjna-demakratyčnyja idei, raskryvała vočy na sapraŭdnaje stanovišča ŭ krainie, zaklikała da baraćby za vyzvaleńnie ad samadziaržaŭnaha ŭcisku. Tekst napisany na rodnym dla Kalinoŭskaha harodzienskim dyjalekcie biełaruskaj movy. Sustrakajucca asobnyja pałanizmy (zapazyčańni z polskaj movy). Ahułam vyjšła 7 numaroŭ haziety (u pramiežku ad lipienia 1862 h. da červienia 1863 h.). Raspaŭsiudžvałasia jana ŭ asnoŭnym u zachodnich i centralnych rehijonach Biełarusi.
Pasłuchać teksty Mužyckaj praŭdy možna tut. https://youtube.com/watch?v=eUdjvQq-5qM