Śpiecyjalist-hihijenist patłumačyła, čamu vada ŭ Drazdach stała siniaj-siniaj
Na ŭsich plažach Minska dazvolena kupańnie, paviedamiła žurnalistam pradstaŭnik Minskaha haradskoha centra hihijeny i epidemijałohii» Natalla Šeŭčyk, piša BiełTA.
«Usiaho sioleta ŭziata 308 probaŭ vady z adkrytych vadajomaŭ. Pa stanie na siońniašni dzień usie proby adpaviadajuć hihijeničnym narmatyvam pa pakazčykach mikrabijałahičnaj biaśpieki. Na padstavie kompleksnaj acenki vodnych abjektaŭ kupańnie na aficyjnych plažach horada mahčyma biez abmiežavańniaŭ. Sanitarny stan aceńvajecca jak zdavalniajučy», — adznačyła Natalla Šeŭčyk.
Kamientujučy videa ź plažaŭ №7 i 9 vadaschovišča Drazdy, dzie vada nabyła sinie-zialonaje adcieńnie, Natalla Šeŭčyk patłumačyła: «Na hetym tydni atrymali dvuchrazovy standartny stanoŭčy łabaratorny vynik pa hetych plažach. Miery pa prypynieńni kupańnia dziaciej i darosłych admienienyja — kupańnie dazvolena.
Afarboŭka tłumačycca tym, što ŭ nas štohod prachodzić pryrodnaja źjava, jakaja nazyvajecca «ćvicieńnie vady». Jana nie ŭjaŭlaje niebiaśpieki, kali nie atrymany niestandartny vynik. Afarboŭku nadaje vysokaja kancentracyja pihmientnych kletak — z-za vysokaj tempieratury i zališniaj kolkaści soniečnaha śviatła ćvicie bahavińnie. Na heta niemahčyma ŭździejničać».
Kaho Łukašenka pastavić na vybary kandydatami-spojlerami?1
Kaho Łukašenka pastavić na vybary kandydatami-spojlerami?
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3838
Kamientary