Minkult paprasiŭ arhanizataraŭ vystupleńnia Rammstein'a pakazać materyjały kancertnaj prahramy

Ministerstva kultury Biełarusi paprasiła arhanizataraŭ vystupleńnia hurtu Rammstein u Minsku pakazać materyjały kancertnaj prahramy. Pra heta paviedamili arhanizatary kancerta.

Kancert niamieckaha hurtu Rammstein u biełaruskaj stalicy arhanizuje Pałac Respubliki. Vystupleńnie pavinna prajści 7 sakavika ŭ kompleksie «Minsk‑Arena». Zaraz arhanizatary rychtujuć infarmacyju pavodle prośby Minkultury.

Napiaredadni biełaruski Hramadski saviet pa maralnaści zapatrabavaŭ arhanizavać papiaredni prahlad vystupleńnia Rammstein. Jak zajaviŭ staršynia savieta Mikałaj Čarhiniec, «tvorčaść hetaha hurtu

źjaŭlajecca nieprykrytaj prapahandaj homasieksualizmu, mazachizmu i inšych nienarmalnaściaŭ, žorstkaści, hvałtu i nieprystojnaj łajanki». «Na kancertach hurtu časta ŭžyvuju demanstrujucca akty savakupleńnia, siemiavyviaržeńnie i imitavańnie nacystaŭ», — havorycca ŭ zajavie hramadskaha savieta.

Arhanizatary kancerta Rammstein u Minsku pryznajuć, što tvorčaść hurtu vyklikała i vyklikaje mnostva sprečak i nieadnaznačnych acenak. Adnak chvalavańni, što ŭźnikli ŭ biełaruskim hramadstvie adnosna maralna‑etyčnych aśpiektaŭ prahramy hurtu, vyklikali nierazumieńnie ŭ mieniedžmientu kalektyvu.

«Kalektyŭ nie pravakuje ni žorstkaść, ni homasieksualnyja akty», — pryvodziać arhanizatary vytrymku ź lista mieniedžmientu Rammstein.

Jany śćviardžajuć, što padčas niadaŭniaha kancerta hurtu ŭ Osła prapahandy nasilla, žorstkaści, nacyzmu nie było.

Praviadzieńnie papiaredniaha prahladu prahramy Rammstein u Minsku nie ŭjaŭlajecca mahčymym, kažuć arhanizatary,

bo kancert prachodzić u miežach suśvietnaha tura kalektyvu. 5 sakavika adbudziecca kancert u Vilniusie, a viečaram 6 sakavika hurt pryjedzie ŭ Biełaruś. Kancert praduhledžvaje nie tolki niepasredna vystupleńnie muzykantaŭ, ale i hrandyjoznaje šou, jakoje patrabuje pilnaj, surjoznaj padrychtoŭki.

Arhanizatary zapeŭnili, što kali ŭźniknie vostraja nieabchodnaść prahladu prahramy, budzie abmiarkoŭvacca varyjant pajezdki pradstaŭnikoŭ Biełarusi ŭ Rasiju na adzin z kancertaŭ hurtu. Pakul arhanizatary nie atrymali nijakich aficyjnych zvarotaŭ adnosna kancerta Rammstein ad hramadskich arhanizacyj. Razam z tym, zaznačajuć jany, niehatyŭnyja zajavy nakont tvorčaści hurtu stvarajuć peŭnyja ciažkaści ŭ pracesie padrychtoŭki hetaha maštabnaha mierapryjemstva.

Jak śćviardžajuć arhanizatary, padrychtoŭka kancerta idzie ŭ rabočym paradku, i na hety momant pahrozy admieny mierapryjemstva niama.

• 0
• 0
• 0
• 0
• 0
• 0
• 0
• 0