Na jaho raspracoŭku ŭžo pajšło $45 młrd.
Košt prahramy źniščalnika piataha pakaleńnia F-35, jaki raspracoŭvaje kansorcyum z amerykanskich pradpryjemstvaŭ i kampanij inšych zachodnich krain, u vyniku moža ŭdvaja pieravysić pieršapačatkova zapłanavanuju sumu.Z takoj zajavaj u Kanhresie ZŠA vystupiła kiraŭnik adździeła pa acency koštu prahram (Cost Assessment and Program Evaluation office) ministerstva abarony ZŠA Kryścina Foks.
Pavodle jaje słoŭ, košt kožnaha źniščalnika ŭ vyniku moža pieravysić 100 miljonaŭ dalaraŭ. U hetym vypadku prahrama stvareńnia F-35 stanie samaj darahoj za ŭsiu historyju Pientahona.
F-35 Lightning II – heta małazaŭvažny šmatmetavy źniščalnik-bambardziroŭščyk, raspracoŭkaj jakoha zajmajecca kampanija Lockheed Martin z udziełam Northrop Grumman i BAE Systems. Samalot raspracoŭvajecca ŭ troch varyjantach – naziemny źniščalnik, pałubny źniščalnik i źniščalnik sa skaročanym uźlotam i viertykalnaj pasadkaj.
Vyprabavańni F-35 pačalisia ŭ śniežni 2006 hoda. Razam z ZŠA ŭ prajekcie raspracoŭki prymajuć udzieł jašče vosiem krain: Aŭstralija, Vialikabrytanija, Danija, Kanada, Niderłandy, Narviehija, Italija i Turcyja.
Siarod krain, jakija ŭžo abjavili ab žadańni nabyć hety samalot – Izrail i Sinhapur.
Na raspracoŭku novaha samalota zatračana $45 młrd., a kančatkovaja vartaść prahramy i ŭvohule nieviadomaja.
F-35 Lightning II maje stać ŭvasableńniem mahutnaści amierykanskaj armii. U pryvatnaści, na im zapłanavana ŭstaloŭvać łazernyja harmaty, paśpiachovyja vyprabavańni jakich niadaŭna prajšli ŭ ZŠA. Mienavita dla hetaha samalota raspracavanaja ŭnikalnaja sistema, što dazvolić piłotu bačyć skroź samalot – admysłovyja kamiery buduć padavać vyjavu naŭprost na ekrany šlema piłota ŭ zaležnaści ad taho, ŭ jaki bok piłot pahladzić.
Adnak samaj kaštoŭnaj varstaściu novaha samalota źjaŭlajecca toje, što F-35 budzie zdolny vykonvać absalutna ŭsie bajavyja zadačy – ad bambardzirovak, da ahniavoj padtrymki piachoty i źniščeńnia pavietranych celaŭ. Na siońnia nivodzin samalot nie moža pachvalicca takoj univiersalnaściu.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary