U Vieniesuele miascovyja ŭłady 14 žniŭnia abviaścili pra vyzvaleńnie 131 palityčnaha źniavolenaha. Pa słovach ministra kamunikacyi i infarmacyi Mihiela Anchiela Pieresa Pireły, vyzvalenym zamianili źniavoleńnie tak zvanymi «alternatyŭnymi mierami abmiežavańnia svabody». Inšyja padrabiaznaści jon nie paviedamiŭ.
Apazicyjnaja palityk Dynora Fihiera zajaviła, što vyzvalenyja — heta jašče nie ŭsie palityčnyja źniavolenyja ŭ krainie. Pavodle jaje słoŭ, kožny ź ich zasłuhoŭvaje poŭnaj svabody, tamu apazicyja budzie praciahvać patrabavać vyzvaleńnia ŭsich palitviaźniaŭ i ich viartańnia da siemjaŭ.
Dziaržaŭny sakratar ZŠA Marka Rubia nazvaŭ vyzvaleńnie 131 čałavieka «vyrašalnym krokam» na šlachu da nacyjanalnaha prymireńnia Vieniesueły.
Jon taksama nahadaŭ, što z 3 studzienia, kali były prezident Vieniesueły Nikałas Madura byŭ zachopleny padčas vajennaj apieracyi ZŠA, u krainie ŭžo vyzvalili 1046 źniavolenych.
U Vieniesuele pačalisia pieramovy pamiž uładami i apazicyjaj
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
U Vieniesuele vyzvalili 30 palitviaźniaŭ, siarod ich — viadomyja apazicyjaniery
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
Kamientary