Minčuk zamiest taksi pajechaŭ z hulanki dachaty na spadarožnaj mašynie. Heta abyšłosia jamu bolš čym u 400 rubloŭ
33‑hadovy mužčyna źviarnuŭsia ŭ milicyju paśla taho, jak pabačyŭ, što jahony rachunak u internet-bankinhu zabłakavany.
Mužčyna raskazaŭ, što nočču viartaŭsia dadomu z bara na vulicy Zybickaj, ale nie zmoh vyklikać taksi. Kiroŭcy nie mahli vyznačyć jaho miescaznachodžańnie i admaŭlalisia ad zakazu.
Tady jon ubačyŭ kala darohi aŭtamabil, jaki spyniŭsia, i paprasiŭ nieznajomaha kiroŭcu padvieźci jaho dadomu. Minčuk paabiacaŭ paźniej pieravieści hrošy za pajezdku pa zvyčajnym taryfie taksi. Kiroŭca pahadziŭsia.
Kali jany ŭžo padjechali da doma, pasažyr zajšoŭ sa svajho telefona ŭ internet-bankinh i paprasiŭ kiroŭcu samomu ŭvieści numar jaho bankaŭskaj karty i pieravieści apłatu.
19‑hadovy kiroŭca skarystaŭsia ź situacyi i pieraličyŭ sabie bolš za 400 rubloŭ — značna bolš, čym jany papiarednie damovilisia zapłacić za pajezdku. Paśla hetaha jon viarnuŭ telefon uładalniku i pajechaŭ.
U milicyi vyśvietlili asobu maładoha čałavieka. Ciapier jamu daviadziecca kampiensavać naniesienuju škodu. Da taho ž pa fakcie zdareńnia zaviali kryminalnuju spravu.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary