Biełaruś lidziruje na postsavieckaj prastory pa kolkaści elektramabilaŭ na dušu nasielnictva
Park elektramašyn u Biełarusi dasiahnuŭ 65 tysiač.
Pavodle Minenierha, z pačatku 2026 hoda park elektrakaraŭ u krainie pavialičyŭsia na 15 tysiač i pierakročyŭ adznaku ŭ 65 tysiač mašyn (na pačatak hoda ich było kala 50 tysiač). Rost u paraŭnańni z anałahičnym pieryjadam minułaha hoda składaje amal dva razy.
Ułady płanujuć davieści kolkaść elektramabilaŭ da 300 tysiač aŭtamabilaŭ da 2030 hoda, što składzie kala 10% ad usiaho aŭtatranspartu ŭ krainie.
U Biełarusi ŭžo pracuje bolš za 2,7 tysiač elektrazaradnych stancyj (z pačatku hoda dadałosia jašče 500). Da 2030 hoda ich kolkaść płanujuć pavialičyć da 15 tysiač.
Jak zaŭvažyŭ ministr enierhietyki Dzianis Maroz, Biełaruś na postsavieckaj prastory — adzin ź lidaraŭ pa kolkaści elektramabilaŭ na dušu nasielnictva.
«Ahulnaja kolkaść 65 tysiač elektramabilaŭ u maštabach našych susiedziaŭ, moža być, i nie vyhladaje niejak zanadta šmat, ale siońnia heta ŭžo prykmietny pracent u ahulnaj kolkaści elektramabilaŭ», — adznačyŭ jon.
Kamientary