«U Biełarusi niama nivodnaha čałavieka, jaki b haładaŭ ci byŭ abarvanym i razutym»,
— zajaviŭ deputat Uładzimir Zdanovič 14 vieraśnia na pazačarhovaj siesii Pałaty pradstaŭnikoŭ Nacyjanalnaha schodu Biełarusi, na jakoj razhladałasia pytańnie ab pryznačeńni daty prezidenckich vybaraŭ.
Deputat adznačyŭ, što čaściej za ŭsio ludzi pytajucca ŭ jaho: «Kali my budziem žyć?»
«Chiba ŭ nas u krainie nie stvorany ŭmovy dla taho, kab čałaviek žyŭ narmalna? Chiba my z kimści vajujem?
Chiba ŭ nas biesparadak unutry dziaržavy ci stajać z płakatami biespracoŭnyja?» — ździviŭsia Zdanovič.
Pavodle jaho słoŭ, u Biełarusi nikoli nie było takoha maštabnaha budaŭnictva žylla i padtrymki siemjaŭ.
«Usio heta adbyvajecca, tamu što ŭ krainie adčuvajecca ruka sapraŭdnaha, ruplivaha haspadara.
Vy viedajecie, pra kaho ja havaru. Dyk navošta kahości šukać?»— zrabiŭ vysnovu Zdanovič.
Kamientary