Novy advakat kandydata ŭ prezidenty zmahła siońnia nienadoŭha sustrecca sa svaim padabaronnym.
«Mahu skazać, što adčuvaje jon siabie zdavalniajuča, vyhladaje taksama zdavalniajuča… Zachoŭvaje badzioraść duchu i prosić usich, chto za jaho chvalujecca, trymacca», — raspaviała Maryna Kavaleŭskaja.
Pavodle advakata, niejkich inšych skarhaŭ na zdaroŭje, akramia tych, što palityk napisaŭ u liście maci, nie było. Nahadajem, što na dniach Andrej Sańnikaŭ paviedamiŭ, što admova SIZA KDB pieradavać jamu zvyčajnyja pradukty, źviazanaja z mocnymi bolami ŭ sustavach. Palityk byŭ surjozna źbity śpiecnazam padčas demanstracyi 19 śniežnia.
Maryna Kavaleŭskaja, jakaja tolki što prystupiła da abarony Sańnikava ŭ suviazi z tym, što raniejšaha advakata kandydata ŭ prezidenty Paŭła Sapiełku pazbavili licenzii na pracu, damahałasia sustrečy z Sańnikavym jašče ŭčora. Ale joj było admoŭlena pa tradycyjnaj pryčynie — nibyta niama svabodnych pamiaškańniaŭ dla sustreč u SIZA KDB.
Siońnia śledčy dazvoliŭ Marynie Kavaleŭskaj pahavaryć ź jejnym padabaronnym
Dla taho, kab pracavać pa spravie, joj było nieabchodna zaručycca zhodaj Andreja Sańnikava.
«Viadoma, niaprosta prystupać da abarony na stadyi kali nie zaviaršeńnia śledčych dziejańniaŭ, to daloka nie ŭ ich pačatku. Dosyć składana. Ale, ja dumaju, zdoleju», — skazała Kavaleŭskaja.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski9
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary