«Teksty Pačobuta nie abražajuć i nie źnievažajuć Łukašenku i Jarmošynu»
Materyjały haradzienskaha žurnalista Andreja Pačobuta adpaviadajuć prafiesijnym žurnalisckim standartam i nie škodziać publičnamu imidžu Alaksandra Łukašenki. Da takoj vysnovy pryjšła kamisija pa etycy Biełaruskaj asacyjacyi žurnalistaŭ.Andreja Pačobuta abvinavačvajuć u abrazie prezidenta i paklopie ŭ jaho adras.
Kamisija pa etycy BAŽ praanalizavała niekalki materyjałaŭ Andreja Pačobuta. Hetyja artykuły stali padstavaj dla raspačynańnia kryminalnaj spravy ŭ dačynieńni da žurnalista «Haziety Vyborčaj».
Dla analizu byli vybranyja teksty na ruskaj i biełaruskaj movach: artykuł «Čas zakručvać hajki» ŭ błohu na sajcie «Biełaruski partyzan» i zapis u asabistym błohu ŭ Žyvym časopisie «Tolki praŭda źjaŭlajecca cikavaj».
Pavodle vysnovy kamisii, teksty Andreja Pačobuta adpaviadajuć prafiesijnym žurnalisckim standartam, nie ŭtrymlivajuć parušeńniaŭ normaŭ žurnalisckaj etyki, abraz u adras nazvanych u ich publičnych asob, nijak nie źnievažajuć ich čałaviečuju hodnaść i nie škodziać ich publičnamu imidžu. U liku publičnych asob, zhadanych u materyjałach haradzienskaha žurnalista, — Alaksandr Łukašenka, Lidzija Jarmošyna, Siarhiej Darafiejeŭ,
— Abvinavačańnie, vystaŭlenaje Andreju Pačobutu, dastatkova surjoznaje — abraza i paklop u dačynieńni da prezidenta. Pa hetych artykułach Kryminalnaha kodeksa pakarańnie praduhledžvaje niekalki hadoŭ turmy, — adznačyŭ u hutarcy z karespandentam «Salidarnaści» staršynia kamisii pa etycy BAŽ Anatol Hulajeŭ. — I hałoŭnaj našaj metaj było vyśvietlić iścinu ŭ hetaj spravie. Važna, kab hramadstva razumieła, pra što idzie havorka: «a ci byŭ chłopčyk?» Analiz materyjałaŭ Andreja Pačobuta nie vyjaviŭ abraz u adras zhadanych u ich publičnych pierson. Kali b my sapraŭdy znajšli ŭ tekstach kalehi parušeńnie etyčnych normaŭ, to nie stali b pra heta maŭčać.
Na dumku Anatola Hulajeva,
advakat žurnalista moža vykarystoŭvać zaklučeńnie kamisii pa etycy jak dadatkovy arhumient, jaki paćviardžaje nievinavataść Andreja Pačobuta.
Kryminalnaja sprava Andreja Pačobuta znachodzicca ŭ sudzie Leninskaha rajona Hrodna. Pa słovach žonki žurnalista Aksany, data sudu pakul nieviadomaja.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy24
Kamientary