Pra heta zajaviŭ ministr zamiežnych spraŭ Ažubalis.
Ministr zamiežnych spraŭ Litvy Aŭdronius Ažubalis abiacaje ŭ najbližejšy čas prapanavać uradu, kab litoŭskija vizy vydavalisia hramadzianam Biełarusi za simvaličnuju płatu, i kab tyja mahli skarystacca hetaj mahčymaściu ŭžo hetym letam.
Zaraz biełarusy płaciać za vizy pa 60 jeŭra.
«Ja b chacieŭ, kab płata była simvaličnaj.
Budu rabić usio, kab rašeńnie pryniali jak maha chutčej.
Mnie b chaciełasia, kab užo letam hramadzianie Biełarusi mahli skarystacca hetaj mahčymaściu», — skazaŭ ministr.
Pra heta ministr zajaviŭ praź niekalki hadzin paśla taho, jak litoŭski parłamient dazvoliŭ uradu pryznačyć płatu za vizy pa bolš hnutkaj sistemie. Inicyjatyvy ŭ suviazi sa spraščeńniem atrymańnia viz šarahovymi hramadzianami Biełarusi nakiravany na ŭmacavańnie hramadzianskaj supolnaści ŭ Biełarusi.
20 červienia zakon ab konsulskim zbory dapoŭnili ustanoŭkaj, što ŭrad moža źnizić płatu za vizy abo naohuł jaje admianić nie tolki na pravach parytetu, ale i kali heta nieabchodna dla dasiahnieńnia metaŭ źniešniaj palityki i nacbiaśpieki. Pa zakonach, što dziejničali da hetaha času, urad Litvy moh admianić konsulski zbor za nacyjanalnyja vizy pamieram 60 jeŭra tolki ŭ tym vypadku, kali takija ž miery pryniała b Biełaruś.
«Spadziajusia, što Biełaruś pastupić anałahičnym čynam u adnosinach da hramadzian Litvy», — skazaŭ ministr.
-
Cichanoŭskaja zaklikała Estoniju pravodzić roźnicu pamiž biełarusami i rasijanami
-
Anžalicy Mielnikavaj vydali pašpart prykryćcia na imia Anhieliny Radzivonavaj?
-
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Ciapier čytajuć
Anžalicy Mielnikavaj vydali pašpart prykryćcia na imia Anhieliny Radzivonavaj?13
Kamientary