Infarmahienctvy paviedamlajuć pra vybuchi ŭ Sankt-Pieciarburhu, Maskvie i Chabaraŭsku.
U niadzielu kala 20.30 u centry Sankt‑Pieciarburhu vybuchnuła prystasavańnie, zakładzienaje prosta pad stolikam u kaviarni «MakDonalds». Traŭmy atrymali šeść čałaviek. Zaviedzienaja sprava pa artykule «zamach na zabojstva dźviuch abo bolej asobaŭ hramadzka niebiaśpiečnym sposabam». Vybuchoŭka była napchanaja paražalnymi elementami j mieła mahutnaść u 75 hramaŭ traciłavaha ekvivalentu. Ad vybuchu abrynułasia častka padvažnaj stoli i vylecieli vokny.
Tym samym niadzielnym viečaram hrymnuła ŭ centry Chabaraŭsku. Jak paviedamili RrimaMedia ŭ krajavym UUS, biazbločnaje vybuchovaje prystasavańnie mahutnaściu kala 200 hramaŭ u traciłavym ekvivalencie spracavała ŭ śmiećcievym kantejnery. Vybucham byŭ paškodžany kabel, i 12 kvateraŭ zastalisia biez elektryčnaści . Ludzi nie paciarpieli.
Pierad hetym 10 lutaha ŭ Maskvie byŭ zatrymany čałaviek, jaki pakidaŭ u paštovych skryniach na Mienskaj i Vialikaj Fileŭskaj vulicach rasiejskaj stalicy listy ź infarmacyjaj pra toje, što na 23 lutaha ŭ Maskvie rychtujucca vybuchi troch žyłych damoŭ. Paśla jon telefanavaŭ pa «02» i patrabavaŭ 5 miljonaŭ rubloŭ za infarmacyju pra kankretnyja adrasy, dzie nibyta čakajucca vybuchi, pieradaje «RIA Novosti»
I, narešcie, siońnia ranicaj uvahu infarmacyjnych ahienctvaŭ pryciahnuŭ vybuch u pierachodzie na ŭskrainie Maskvy. Jak vyśvietliłasia, vybuchnuŭ abahravalnik. Pažaru paśla vybuchu nie było. Nichto ź ludziej nie paciarpieŭ.
Kamientary