U Biełarusi źjavilisia adździaleńni dzionnaha znachodžańnia dla pažyłych ludziej

U minułym hodzie ŭ Biełarusi byli adkryty try adździaleńni dzionnaha znachodžańnia dla hramadzian pažyłoha ŭzrostu — u Viciebskaj, Hrodzienskaj i Mahiloŭskaj abłaściach. Jany ŭpieršyniu stvorany ŭ struktury terytaryjalnych centraŭ sacyjalnaha absłuhoŭvańnia nasielnictva (TCSAN), paviedamiła načalnik adździeła raźvićcia i kaardynacyi sacyjalnaj dapamohi i sacyjalnaha absłuhoŭvańnia Ministerstva pracy i sacabarony Taćciana Fiodarava.

Takija adździaleńni pradastaŭlajuć starym dohlad na praciahu dnia, tut stvorany ŭmovy dla padtrymańnia aktyŭnaha ładu žyćcia, arhanizujecca volny čas. «U adździaleńnie pažyłyja ludzi prychodziać ranicaj samastojna abo ich pryvoziać dzieci, unuki.

Na praciahu dnia jany znachodziacca ŭ pole zroku śpiecyjalista pa sacyjalnaj rabocie, jaki adkazvaje za toje, kab padapiečnyja nie sumavali, nie zastavalisia ŭ adzinocie, svoječasova jeli i prymali lakarstvy, a kiraŭnik hurtkoŭ znachodzić cikavyja i karysnyja dla starych sposaby praviadzieńnia času,

Pavodle słoŭ śpiecyjalista, arhanizacyja raboty takich novych dla našaj krainy strukturnych padraździaleńniaŭ praduhledžana Kompleksnaj prahramaj raźvićcia sacyjalnaha absłuhoŭvańnia na 2011–2015 hady. Taćciana Fiodarava adznačyła, što adździaleńni dzionnaha znachodžańnia dla hramadzian pažyłoha ŭzrostu buduć stvaracca ŭ rehijonach u adpaviednaści z patrebnaściu ŭ hetym vidzie sacyjalnych pasłuh (jany płatnyja, košt ustanaŭlivajecca rašeńniami miascovych uładaŭ). Pakul składana skazać, nakolki šyrokaje raspaŭsiudžvańnie atrymaje heta novaŭviadzieńnie, adnak takaja forma raboty źjaŭlajecca važnym dapaŭnieńniem da ŭžo aprabavanaj formy sacabsłuhoŭvańnia — adździaleńniaŭ kruhłasutačnaha znachodžańnia dla hramadzian pažyłoha ŭzrostu i invalidaŭ.

U struktury terytaryjalnych centraŭ sacyjalnaha absłuhoŭvańnia nasielnictva funkcyjanujuć 54 takija adździaleńni na 1 tys. 915 miescaŭ.

Kali pa abjektyŭnych pryčynach niepracazdolnyja ludzi nie mohuć žyć doma samastojna (naprykład, u asieńnie-zimovy pieryjad, kali ŭźnikajuć ciažkaści z abahravańniem žylla), jany pasialajucca ŭ adździaleńniach kruhłasutačnaha znachodžańnia.

Adździaleńni kruhłasutačnaha znachodžańnia źjaŭlajucca alternatyvaj damam-internatam.

Takim čynam, adździaleńni kruhłasutačnaha znachodžańnia bolš ekanamičnyja i maksimalna nabližany da realnych patreb adzinokich i adzinoka pražyvajučych pažyłych ludziej, invalidaŭ. I jašče adzin niemałavažny plus: raźvićcio sietki takich niestacyjanarnych ustanoŭ sacabsłuhoŭvańnia (a jano pačałosia ŭ kancy 2004 hoda) spryjała skaračeńniu čarhovaści ŭ damy-internaty.

• 0
• 0
• 0
• 0
• 0
• 0
• 0
• 0