«Za try hady staršynia kałhasa moža naźbirać $30 tysiač»

Pamiatajecie historyju staršy-ni sielhaskaapieratyva ź Dziatłaŭščyny, u jakoha skrali dziasiatki tysiač dalaraŭ?

Na minułym tydni KDB zajaviŭ pra raskryćcio złačynnaj hrupoŭki, jakaja vyvoziła ŭ krainy ES kalijnyja ŭhnajeńni. U paviedamleńni havorycca, što ŭhnajeńni afarmlalisia dla atrymańnia biełaruskimi haspadarkami, vyvozilisia ŭ roznyja rajony krainy, a potym pa padroblenych dakumientach vyvozilisia za miažu. Kamitet pakul nie paviedamlaje, kim źjaŭlajucca zatrymanyja. Adnak možna dapuścić, što da spravy mahli być datyčnyja kiraŭniki sielskahaspadarčych pradpryjemstvaŭ, na imia jakich pieršapačatkova afarmlaŭsia hruz.

Na prośbu Redakcyi hałoŭny śpiecyjalist adnaho ź sielhaskaapieratyvaŭ raskazaŭ, jakim čynam staršyni i hałoŭnyja śpiecyjalisty SVK atrymlivajuć «šeryja» prybytki.

Za 2–3 hady kiraŭnik mocnaha kałhasa moža naźbirać paru dziasiatkaŭ tysiač, kaža jon.

Sumlenny i sumnieŭny

Isnuje dva varyjanty dasiahnieńnia pośpiechu — sumlenny i sumnieŭny.

Razhledzim pieršy. U mocnych haspadarkach staršyni atrymlivajuć 5–6 miljonaŭ rubloŭ u miesiac (pry siarednim zarobku pa haspadarcy da 1,7 miljona). Kali ŭ takoha staršyni jašče i žonka ŭ aparacie pracuje namieśnicaj ci hałoŭnym ekanamistam (takoje časta sustrakajecca), to jaje zarobak bu-dzie adroźnivacca ad zarobku muža pracentaŭ na 20%. Kali takaja siamja budzie aščadžać na praduktach — usio ž svajo,

to naźbirać možna $10 tysiač u hod.

Kiraŭniki słabych haspadarak zadavolvajucca sumami ŭ 2–4 razy ściplejšymi.

Druhi sposab praduhledžvaje atrymańnie prybytkaŭ z roznych krynic. Nie treba nahadvać, što jon niezakonny.

Adna z hałoŭnych krynic niesumlennych prybytkaŭ — adkaty. Nabyćcio vietpreparataŭ, piestycydaŭ, zapčastak u abranaha pastaŭščyka mohuć prynosić staršyni 10–15% «uznaharody» ad pamieru cany pastavak. Pa vynikach hoda na manipulacyjach z zapčastkami možna «zarabić» da 30 miljonaŭ rubloŭ, na vietpreparatach — da 20 miljonaŭ.

Jak zarablajuć na miasie

Zdarovuju adkormlenuju karovu ci byčka možna «ŭsušyć» udvaja, zaniziŭšy ŭ dakumientach jaje realnuju vahu i stan.

Pałovu miasa aficyjna pradać šarahovamu supracoŭniku pradpryjemstva ci starońniaj asobie, a reštu — nabližanamu da «šeraha» biznesu kamiersantu.

Schiema prodažu harodniny, najpierš bulby, davoli prostaja: nabyvaješ pa zanižanaj canie i pradaješ pa rynkavaj.

I na piestycydach

Hałoŭnyja śpiecyjalisty majuć dostup da chimikataŭ. Tut addajecca pieravaha piestycydam: tara značna mienšaja, cana vysokaja. Preparat śpisvajecca jak vykarystany. Ale častka prytojvajecca i pradajecca za 50% ad rynkavaj cany.

Naš surazmoŭca pierakanany: adziny sposab vykaranić karupcyju ŭ sielskaj haspadarcy — raźvivać fiermierstva.

• 0
• 0
• 0
• 0
• 0
• 0
• 0
• 0