Padčas vizitu na Stolinščynu zasnavalnikaŭ pieršych hurkovych fiermaŭ zakryli pad achovaj u kaviarni za 50 mietraŭ ad miesca, dzie sieŭ viertalot.
Pra heta aspavioŭ kiraŭnik fiermierskaj haspadarki «Alšany» Ivan Hryb:
«Nam nie dali z prezidentam pahutaryć. Nie dali miascovyja ŭłady, bo bajalisia, što fiermiery buduć ziamlu dla siabie prasić… Nas padmanuli. Nastolki padmanuli, što až škada. Z
aviaźli na naš rynak. Zahadali płakaty prybrać. Uvohule ŭsio prybrać. A paśla zaviali ŭ kafe tam, pobač. I kažuć: jak prezident prylacić, my vas pakličam. Pastavili piać achoŭnikaŭ la dźviarej. I ŭsio. Prezident sieŭ, pačałasia sustreča. A my, jak durni, čakajem. Čakajem, što pakličuć nas, bo nie chočam iści nachrapam».
Nahadajem, Alaksandr Łukašenka naviedaŭ Alšany (nieaficyjnuju hurkovuju stalicu Biełarusi) 13 krasavika. Pa słovach Ivana Hryba, jon mieŭsia raspavieści kiraŭniku krainy pra niekalki «miortvych» kałhasaŭ, jakija nieefiektyŭna karystajucca ziamloj vakoł Alšanaŭ.
Fiermier sapraŭdy źbiraŭsia prasić, kab hetuju ziamlu pieradali ŭ pryvatnuju ŭłasnaść.
Taksama Ivan Hryb kaža pra biessensoŭnaść zasnavańnia ŭ Alšanach łahistyčnaha centra dla prodažu hurkoŭ. Fiermier upeŭnieny, što ŭ vioscy treba pasadzić jabłynievyja sady, kab pierachapić rasijski rynak u polskich vytvorcaŭ.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie17
Kamientary