Vypusknyja viečary ŭ Minsku projduć 9 červienia. Prodaž ałkaholu budzie abmiežavany
Vypusknyja viečary projduć u Minsku 9 červienia,
paviedamiŭ siońnia staršynia kamiteta pa adukacyi Minharvykankama Uładzimir Ščerba na apieratyŭnaj naradzie ŭ meryi.
«Adzinym dniom praviadzieńnia ŭ Minsku ŭračystych mierapryjemstvaŭ, pryśviečanych vypusknym viečaram i ŭručeńniu atestataŭ, vyznačana 9 červienia», — adznačyŭ staršynia kamiteta. Ahulnaadukacyjnym ustanovam rekamiendavana pačynać u hety dzień śviatočnyja mierapryjemstvy ŭ 20:00.
Što da času zakančeńnia vypusknych viečaroŭ, to jon budzie vyznačacca administracyjaj ustanovaŭ adukacyi sumiesna z pradstaŭnikami vučnioŭskaj hramadskaści i apiakunskich savietaŭ.
Uładzimir Ščerba paviedamiŭ, što ŭ asobnych vypadkach pry adsutnaści nieabchodnych umovaŭ dla praviadzieńnia viečaroŭ na bazie ŭstanovy adukacyi abo pa žadańni baćkoŭ navučencaŭ paśla piśmovaha ŭzhadnieńnia z kamitetam pa adukacyi Minharvykankama škołam budzie dazvolenaje praviadzieńnie śviatočnych mierapryjemstvaŭ dla vypusknikoŭ va ŭstanovach kultury. «Va ŭračystych cyrymonijach uručeńnia atestataŭ aktyŭny ŭdzieł voźmuć pradstaŭniki orhanaŭ zakanadaŭčaj i vykanaŭčaj ułady, hramadskich abjadnańniaŭ, a taksama viadomyja dziejačy kultury i sportu», — adznačyŭ jon.
U hety dzień buduć pryniatyja ŭsie nieabchodnyja miery pa zabiaśpiečańni achovy hramadskaha paradku z pryciahnieńniem pravaachoŭnych orhanaŭ. Tradycyjna budzie arhanizavanaje dziažurstva piedahahičnych rabotnikaŭ ahulnaadukacyjnych ustanovaŭ, techničnaha piersanału i baćkoŭ. Akramia taho, budzie abmiežavany prodaž ałkaholnych napojaŭ u punktach roźničnaha handlu.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary