Sapraŭdny Kanhres abjadnanych demakratyčnych siłaŭ adbyŭsia 19 sakavika 2006 h. na płoščy Kalinoŭskaha. Z pošty Redakcyi.
Sapraŭdny Kanhres abjadnanych demakratyčnych siłaŭ adbyŭsia 19 sakavika 2006 h. na płoščy Kalinoŭskaha. Z pošty Redakcyi.
Kanhres abjadnanych demakratyčnych siłaŭ adbyŭsia 19 sakavika 2006 h. na płoščy Kalinoŭskaha. Na addanaść Biełarusi delehataŭ pravieryła mandatnaja kamisija — Łukašenka, Šejman, Sucharenka, Navumaŭ, Paŭlučenka.
26‑27 traŭnia adbyŭsia schod pieravažna partyjnych hrupaŭ. Ź jakich nia ŭsie źjaŭlajucca demakratyčnymi: niedastatkova vystupać suprać Łukašenki, kab nazyvacca demakratami. Parušać demakratyčnyja pracedury, zmahajučysia za ŭładu, ‑‑ značyć być aryjentavanym na toje, kab parušać demakratyčnyja pryncypy, majučy ŭładu. Staŭleńnie da vybaraŭ i adpaviednych demakratyčnych praceduraŭ — samy hałoŭny kryter prynaležnaści da demakrataŭ.
Z hetych hrupaŭ nia ŭsie byli apazycyjnymi. Peŭnyja hrupy zmahajucca nie z Łukašenkam, a ź jaho praciŭnikami. Jany dakazali heta svajoj adsutnaściu na Płoščy ŭ sakaviku, infarmacyjnymi zachadami ŭ styli «BT», svaimi dziejańniami na schodzie.
Nia ŭsie źjaŭlajucca niezaležnickimi. Peŭnyja hrupy finansujucca Rasiejaj i 26‑27‑ha adpracoŭvali hetyja hrošy.
Nia ŭsie źjaŭlajucca biełaruskimi. Bo apraŭdvajuć stalinščynu, złačynstvy suprać biełaruskaha narodu. Źjaŭlajucca idealahičnymi chaŭruśnikami režymu ŭ staŭleńni da biełaruskaści: da movy, da historyi, da kultury, da symbalaŭ. Da našych prodkaŭ, našych hierojaŭ.
Schod staŭ vielmi dobraj pravierkaj dla poŭnaj jasnaści ‑‑‑ chto jość chto ŭ składzie praciŭnikaŭ Łukašenki. Chto jość demakratami, niezaležnikami, apazycyjaj naahuł. Z kim možna pracavać dziela budučyni eŭrapiejskaj, demakratyčnaj Biełarusi. A z kim ‑‑ niemahčyma i tamu niemetazhodna.
Kali pradstaŭniki hetych hrupaŭ dumajuć, što mohuć padmianić zmaharoŭ, niezaležnikaŭ, demakrataŭ, chto zmahaŭsia z režymam na Płoščy, abaraniaŭ namiotavaje miastečka, prajšoŭ praz Akreścina — jany mocna pamylajucca. Jany dumali zadušyć Płošču, kažučy, što my prajhrali, robiačy intryhi i falsyfikacyi, vylivajučy chvali brudu.
Vynikam schodu pavinna być ačyščeńnie apazycyi ad brudu i balastu.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary