Paŭhodu biaz prava pierapiski
18 červienia ŭ Mahilovie adčyniŭsia pieršy ŭ Biełarusi aryštny dom. Heta asobny budynak, raźličany na 170 miescaŭ, siadzieć u im buduć tyja, kamu sud daŭ da 6 miesiacaŭ aryštu.
Zhodna z novym zakanadaŭstvam, da takoha pakarańnia mohuć prysudžacca asoby, jakija ździejśnili niaciažkija złačynstvy. Režym utrymańnia ŭ aryštnym domie pryraŭnavany da kamernaha turemnaha. Adnak, u adroźnieńnie ad kalonii, čałaviek tut izalavany ad znosinaŭ sa złačynnym asiarodździem, dyj režym bolš žorstki: zabaronienyja pierapiska, pieradačy, sustrečy sa svajakami.
U časie adkryćcia aryštnaha domu ministar unutranych spravaŭ Uładzimier Navumaŭ skazaŭ, što novaja forma pakarańnia maje pierš za ŭsio prafilaktyčny charaktar, dazvalaje čałavieku za karotki čas pierahledzieć žyćcio, uśviadomić svaju vinu i vypravicca. Pravaabaroncy ž bačać u žorstkim režymie ŭtrymańnia sprobu baraćby ź inšadumstvam, niepakojacca, ci buduć abaronienyja aryštanty, całkam izalavanyja ad astatniaha śvietu. A pazbaŭleńnie prava pierapiski, mocna nahadvaje 1937 hod. “Zazvyčaj aryšt užyvajecca da tych, čyja vina nie dakazanaja albo dakazanaja nia całkam, kab čałaviek nia moh apraŭdacca”, — ličyć Uładzimier Kraŭčanka, kiraŭnik Mahiloŭskaj filii Biełaruskaha Chielsynskaha kamitetu.
Da 2003 h. takija damy źjaviacca ŭ kožnym abłasnym centry krainy.
B.T.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary