Аператыўнікі ўстанавілі і затрымалі 30-гадовага замежніка і 17-гадовую беларуску, якія арганізавалі ў Мінску працу порнастудыі і вялі вэб-трансляцыі на радзіму мужчыны, паведамляе прэс-служба МУС.
Мужчына арандаваў кватэру, акцёрамі наймаў дзяўчат і хлопцаў праз сацсеткі або па рэкамендацыях. За адзін эпізод плаціў ад 10 да 50 рублёў. Устаноўлена, што з сакавіка па верасень у здымках паўдзельнічала каля 30 чалавек, у тым ліку непаўналетнія.
Праз моўны бар'ер мужчына знайшоў 17-гадовую памочніцу. Дзяўчына выконвала арганізацыйныя функцыі, праводзіла гутаркі з кандыдатамі і сама была «мадэллю».
У памяшканні выяўленыя дэкарацыі, асвятляльнае і відэаабсталяванне, рэквізіт і назапашвальнікі з запісамі трансляцый. Таксама канфіскаваныя банкаўскія карты, на якія кліенты пералічвалі грошы за прагляд. За дзень заробак арганізатара складаў да 2000 рублёў.
Заведзеная крымінальная справа за выраб і распаўсюджванне парнаграфічных матэрыялаў з выкарыстаннем інтэрнэту.
Цяпер чытаюць
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі12
Каментары