Лукашэнка ўсё падгроб пад сябе
Аляксандар Лукашэнка працягвае перабіраць паўнамоцтвы парлямэнту і ўраду. Указам №520 надае яму паўнамоцтвы распараджацца ў сфэры распараджэньня дзяржаўнай маёмасьцю, прыроднымі рэсурсамі, дзяржаўным бюджэтам. Прэзыдэнт будзе сам вырашаць, якім прадпрыемствам і якім індывідуальным прадпрымальнікам даць адтэрміноўку, крэдыт, выдзеліць субсыдыю ці сродкі. «А.Лукашэнка папросту нарматыўна змацаваў паўнамоцтвы, якія і так у яго былі», — камэнтуе «Белорусы и рынок». Указ набудзе моц з 14 лістапада і будзе рэалізаваны ў поўным аб’ёме з 1 чэрвеня 2006 году. Калі ў ліпені яго пераабяруць, пакарыстаецца ён указам нядоўга.
Слабы пратэст дэпутатаў
У законапраекце па ўнясеньні зьменаў у Інвэстыцыйны кодэкс, які ўключаны ў парадак дня сэсіі палаты прадстаўнікоў, утрымліваецца пункт пра скасаваньне гарантыі нязьменнасьці заканадаўства для замежных інвэстараў цягам пяці год з моманту рэгістрацыі прадпрыемства. Камісія па жыльлёвай палітыцы адзначыла, што гэта створыць бар’еры для прыцягненьня ў краіну замежных інвэстыцый, і прыняла рашэньне рэкамэндаваць дэпутатам адхіліць законапраект.
Стварэньне холдынгу «Белнафтахім»
Урад мае аб’яднаць усе нафтахімічныя прадпрыемствы ў адзін холдынг на базе канцэрну «Белнафтахім». Канцэрн аб’ядноўвае 40 прадпрыемстваў, на якіх працуюць 116 тыс. чалавек.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары