Памёр баранавіцкі студэнт, якога ў верасні засыпала пяском
18-гадовы хлопец больш за 2,5 месяцы праляжаў у коме. Па дадзеных сваякоў, у распачынанні крымінальнай справы адмовілі.
Навучэнец ліцэя будаўнікоў пацярпеў пры правядзенні земляных работ у старым парку 25 верасня.
Хлопец спусціўся на дно трохметровай ямы, і на яго абрынулася сцяна пяску. У цяжкім стане яго даставілі ў рэанімацыю.
Больш за два з паловай месяцы малады чалавек правёў у коме, а 16 снежня памёр, паведамляе «Intex-press».
Па факце здарэння Баранавіцкі гарадскі аддзел Следчага камітэта праводзiў праверку. У выніку, паводле інфармацыі сваякоў студэнта, ва распачынанні крымінальнай справы адмовілі.
«Нібыта майго пляменніка ніхто не прымушаў лезці ў гэтую яму, і вінаватых у тым, што ён апынуўся ў ёй, няма», — паведаміла карэспандэнту «IP» цётка загінулага хлопца.
Паводле яе слоў, бацькі маладога чалавека звяртацца ў вышэйстаячыя інстанцыі з нагоды адмовы ва распачынанні крымінальнай справы не збіраюцца.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі15
Каментары