Міністэрства працы Беларусі прапаноўвае на заканадаўчым узроўні замацаваць норму, якая давала б права работадаўцам правяраць сваіх супрацоўнікаў з дапамогай алкатэстараў.Пра гэта 21 снежня паведаміў намеснік міністра працы і сацыяльнай абароны Ігар Старавойтаў.
Прапанова Мінпрацы матываваная тым, што алкагольнае ап’яненне часта з’яўляецца прычынай няшчасных выпадкаў на вытворчасці, растлумачыў Старавойтаў. Праверку алкатэстарам на прадмет знаходжання работніка ў стане алкагольнага ап’янення ці ў стане, выкліканым ужываннем наркатычных сродкаў, псіхатропных, таксічных ці іншых адурманьваючых рэчываў, прапаноўваецца праводзіць «пры наяўнасці дастатковых падстаў — паху алкаголю з рота, парушэння рэчы, цяжкасцяў пры захоўванні раўнавагі і іншых», падкрэсліў намеснік міністра падчас
а таксама ў стане, звязаным з хваробай, якая перашкаджае выкананню работ (аказанню паслуг).Ён зазначыў, што законам «Аб ахове працы» ўстаноўлена: работадаўца абавязаны не дапускаць да выканання работ (аказання паслуг), адхіляць ад выканання работ у адпаведны дзень (змену) працуючага, які з’явіўся на працоўнае месца ў стане алкагольнага, наркатычнага ці таксічнага ап’янення,
Зараз, паведаміў Старавойтаў, кантроль стану работнікаў прадугледжаны толькі ў дачыненні да вадзіцеляў транспартных сродкаў.
Паводле інфармацыі першага намесніка дырэктара дэпартамента дзяржаўнай інспекцыі працы Міністэрства працы і сацыяльнай абарон Аляксандра Семіча, за з’яўленне на працы ў стане алкагольнага ап’янення і распіванне спіртных напояў у 2011 годзе ў Беларусі былі звольненыя 13.672 чалавекі. «Міністэрства працы і сацабароны неаднаразова прапаноўвала ўвесці забарону продажу алкагольных напояў асобам у спецыяльным засцерагальным адзенні», — падкрэсліў Семіч.
Каментары