Заключная частка «Прыцемкаў» стала самым касавым фільмам года ў Мінску — $432 тысячы
Наступныя — анімацыйныя «Ледавіковы перыяд 4» і «Мадагаскар 3».
Заключная частка вампірскай пенталогіі «Прыцемкі» стала самай касавай ў сталічным пракаце ў 2012 годзе.
Як паведаміў генеральны дырэктар УП «Кінавідэапракат» Васіль Коктыш,
касавыя зборы стужкі склалі 3,6 млрд. рублёў (каля $432 тысяч).Другі і трэці радок з вялікім адставаннем ад лідара займаюць анімацыйныя стужкі «Ледавіковы перыяд 4» (2,78 млрд.) і «Мадагаскар 3» (2,5 млрд.). У топ-10 найбольш касавых карцін ўвайшлі таксама «Мсціўцы» (2,1 млрд. рублёў), «007. Каардынаты «Скайфол» »(2,08 млрд.), «Людзі ў чорным 3» (1,7 млрд.), «Праметэй» (1,45 млрд.), «Шэрлак Холмс. Гульня ценяў» (1,44 млрд.), «Новы чалавек-павук» (1,4 млрд.) і «Крок наперад 4» (1,39 млрд.).
Па словах Васіля Коктыша, у 2012 годзе кінатэатры горада наведалі 5,3 млн. гледачоў, што на 170 тыс. больш, чым у 2011-м.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў50
Каментары