Прэс‑служба Мінюсту паведаміла, што ў шэрагах «зялёных» 582 сябры, што амаль удвая меней мінімальнай колькасьці актывістаў, устаноўленай заканадаўствам.
Апрача таго, нагадваюць у Мінюсце, партыя мусіць мець Мінскую гарадскую і абласныя арганізацыйныя структуры ў большасці абласцей, створаныя згодна з заканадаўствам і партыйным статутам. Але Партыя зялёных не стварыла ніводнай з гэтых структур.
У Мінюсце кажуць, што партыі было прапанавана выправціь недахопы альбо самаліквідавацца: «У сакавіку бягучага года ў Міністэрства юстыцыі паступіў пратакол з’езду названай партыі, на якім разглядалася пытанне аб яе ліквідацыі. Аднак на запыт Міністэрства юстыцыі прадставіць дакументы, якія б пацвердзілі правамоцнасць з’езда, гэтага зроблена не было».
Таму Мінюст накіраваў іскавую заяву ў Вярхоўны суд аб ліквідацыі Беларускай экалагічнай партыі зялёных «БЭЗ».
Цяпер чытаюць
Што здарылася з Мікітам Мелказёравым, які раптоўна памёр ноччу?35
Каментары