Палітолаг-русафіл Шымаў: Здзіўляе пасіўнасць Праваслаўнай царквы па пытанні Каліноўскага
У асяроддзі беларускіх западнарусаў працягваецца абмеркаванне постаці Кастуся Каліноўскага і падзей 1863 года. На гэты раз вядомы палітолаг, калумніст «Советской Белоруссіі» Усевалад Шымаў выказаўся на прарасійскім сайце imperia.by.
«Каліноўскі быў палякам да мозгу касцей і бачыў беларускія землі як неад’емную частку «вялікай» Польшчы.Тое, што яго заклікі да сялян былі складзеныя на беларускай мове, не павінна ўводзіць у зман, — сказаў Шымаў. — Каліноўскі і яго аднадумцы, як і ўсё польскае грамадства таго часу, лічылі гэтую мову прастанароднай рэгіянальнай версіяй польскага. Паўстанцы выкарыстоўвалі гэтую «народную» мову толькі з мэтай зрабіць свае ідэі больш даступнымі.
Прыхільнікі Каліноўскага, па ўсёй бачнасці, не чыталі ні «Мужыцкай праўды», ні «Лістоўз-пад шыбеніцы «, абсалютна прасякнутых польскім духам».
Аўтар перакананы, што беларускія нацыяналісты не могуць належным чынам прааналізаваць «Мужыцкую праўду» Каліноўскага, інакш бы яны пагадзіліся з высновамі самога Шымава.
«Даволі дзіўна ушаноўваць Каліноўскага ў краіне, дзе большасць вернікаў з’яўляюцца прыхаджанамі Рускай праваслаўнай царквы. Нянавісць да праваслаўя прасякнуты ўсе заклікі „Кастуся“, а тэрор супраць праваслаўных святароў быў адметнай асаблівасцю паўстання на беларускіх землях», — падкрэсліў Усевалад Шымаў.
Ён ставіць у дакор «пасіўную пазіцыю» Беларускай праваслаўнай царквы. Шымаў кажа, што не заклікае «анафемстваваць» Каліноўскага, але «заявіць аб недапушчальнасці гераізацыі падобнага персанажа ў пераважна праваслаўнай краіне,У сваіх прапановах Шымаў дайшоў заклікаў праводзіць «памятныя мерапрыемствы па ахвярах тэрору польскіх паўстанцаў».па-мойму , варта было б».
Каментары