Суд у Екацярынбургу палічыў, што расійскую армію дыскрэдытуе верш Маякоўскага стогадовай даўніны
Суд у Екацярынбургу прызнаў верш Уладзіміра Маякоўскага «Долой!», напісаны ў 1929 годзе, такім, які «дыскрэдытуе» расійскую армію. Пра гэта паведаміла выданне SOTAvision.
Суддзя Верх-Ісецкага раённага суда Кацярына Гейгер аштрафавала жыхара горада Кіраўград Дзмітрыя Рыкава на 49 тысяч рублёў. Падставай стаў ягоны антымілітарысцкі пікет, які ён правёў 7 снежня. Мужчыну прызналі вінаватым паводле артыкула аб «дыскрэдытацыі» войска.
Падчас акцыі Рыкоў трымаў плакат з цытатай з верша Уладзіміра Маякоўскага «Долой!»:
«Война — это ветер трупной вонищи.
Война — завод по выделке нищих.
Могила безмерная вглубь и вширь,
Голод, грязь, тифы и вши».
Сам Дзмітрый Рыкаў віны не прызнаў. Ён патлумачыў, што выступаў не супраць нейкай канкрэтнай вайны, а супраць вайны ўвогуле, і заявіў, што не разумее, як такімі словамі можна дыскрэдытаваць войска.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
У нашыя часы яго бы саслалі ў турму ў Башкартастан ці ў дурку, а потым прапаноўвалі кантракт на СВА ўзамен на тое, каб перастаць здзеквацца.
Вам ли, любящим баб да блюда,
жизнь отдавать в угоду?!
Я лучше в баре бл***м буду
подавать ананасную воду!