Прэм'ер-міністр Расіі Дзмітрый Мядзведзеў падпісаў распараджэнне аб спыненні дзеяння дамовы паміж Расіяй і Азербайджанам аб транзіце азербайджанскай нафты, паведамляе «ІТАР-ТАСС» са спасылкай на дакумент, апублікаваны на афіцыйным партале прававой інфармацыі. Пагадненне аб транзіце было падпісана ў Маскве ў 1996.
Як растлумачыў афіцыйны прадстаўнік расійскай кампаніі «Транснефть» Ігар Дзёмін, на працягу апошніх пяці гадоў Азербайджан не выконваў умовы гэтага міжурадавага пагаднення, транзітуючы ў два разы менш сыравіны, чым закладзена ў дакуменце.
Пагадненне прадугледжвала прапампоўку 5 млн тон азербайджанскай нафты, аднак фактычныя аб'ёмы не перавышалі 2 млн тон у год, і таму даходы ад гэтага транзіту, маўляў, не пакрывалі выдаткаў «Транснефті» на падтрыманне трубаправода ў належным тэхналагічным стане.
Гэтае рашэнне Масквы можа быць палітычным. Азербайджан не ўваходзіць у зону ўплыву Расіі і ўсе апошнія гады імкнуўся дыверсіфікаваць шляхі экспарту сваіх нафты й газу.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»11
Каментары