Сям'я аднаго з падазраваных у забойстве салдата Лі Рыгбі ў лонданскім Вулічы выступіла з афіцыйнай заявай і выказала спачуванні блізкім загінулага,
піша The Guardian. «Ніякія нашы словы не змогуць змяніць падзей мінулага тыдня. Тым не менш мы як сям’я хочам раздзяліць з астатнімі жах ад жорсткага забойства Лі Рыгбі», — гаворыцца ў звароце сваякоў Майкла Адэбаладжа.
Там адзначаецца, што ў свеце няма месца для жорсткасці ў імя рэлігіі ці палітыкі. «Мы верым, што ўсе дабрамысныя члены грамадства падзяляюць гэты пункт гледжання, дзе б яны ні нарадзіліся і якімі б ні былі іх палітычныя і рэлігійныя погляды», — падкрэслівае сям’я Адэбаладжа.
Сваякі меркаванага забойцы таксама паведамілі, што вераць у верхавенства закона і ў прыцягненне вінаватых да адказнасці.
«Гэта адзіная заява, якую мы хочам зрабіць. Просім, каб па далейшыя каментары да нас не звярталіся», — дадалі блізкія Адэбаладжа.
Каментары