Грамадскага актывіста выпусцілі з міліцыі Маскоўскага раёна Мінска. Ён знаходзіцца дома.
Пра гэта паведаміў сам Павал Вінаградаў у фэйсбуку: «Прафілактычная гутарка доўжылася 13 гадзін. Міліцыянты пакляліся на крыві, што заўтра за мной не прыйдуць».
Нагадаем, што Вінаградава, які знаходзіцца пад прафілактычным наглядам міліцыі, забралі з дому а 7-й раніцы. Міліцыянты сказалі, што з ім будзе праведзеная прафілактычная гутарка.
«Ніхто са мной ні пра што не гутарыў. Чытаў кнігу. Мяркую, мяне забралі ў сувязі з самітам прэм’ераў СНД у Мінску», — выказаў меркаванне Павел.
Вінаградава таксама пратрымалі дзень у міліцыі 30 мая і 9 мая.
Каментары