21 чэрвеня ў 20.00 адбудзецца салаўіная экскурсія ў Лошыцкім парку (уваход з боку Камвольнага камбіната). Грамадская арганізацыя «Ахова птушак Бацькаўшчыны» запрашае ўсіх ахвотных далучыцца.
Салаўіная экскурсія — гэта экскурсія ў прыроду, на якой можна пазнаёміцца з рознымі галасамі птушак. Гісторыя салаўіных экскурсій у Беларусі пачынаецца з 2007 года і звязаная з папулярнай акцыяй «Салаўіныя ночы».
Салаўіныя экскурсіі накіраваныя на тое, каб максімальна задзейнічаць зрок і слых экскурсантаў, развіваць назіральнасць, кемлівасць і цікавасць да птушак як неад’емнага складніка прыродных экасістэм.
Каардынатар праекта — Руслан Шайкін, [email protected]
Таксама падрабязную інфармацыю можна даведацца ў офісе АПБ:
г. Мінск, вул. Парнiковaя 11, пак. 4.
(+375
(+375
(+375 29) 101 68 87
Даведка:
Грамадская арганізацыя «Ахова птушак Бацькаўшчыны» — найбуйнейшая прыродаахоўная грамадская арганізацыя Беларусі, якая працуе ў галіне захавання біяразнастайнасці і экалагічнай адукацыі. Арганізацыя налічвае больш за 3500 сябраў, звыш 150 школьных клубаў «Крылаты дазор» і 14 аддзяленняў у розных кутках краіны. АПБ — нацыянальны партнёр глабальнай прыродаахоўнай асацыяцыі Birdlife International.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы2
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары