У Расіі цэны на малако дасягнулі максімуму за апошнія 15 гадоў
У Расіі ўсталяваліся рэкордна высокія цэны на сырое малако за апошнія 15 гадоў. Паводле дадзеных Расстата, сярэдняя цана на малако ў маі склала каля 15 рублёў за 1 кг.
У пачатку года рост цэн стрымліваўся пастаўкамі малочнай прадукцыі з Беларусі і далёкага замежжа, але ў красавіку запасы гэтых краін падышлі да канца. Паводле дадзеных Мінсельгаса, сёлета вытворчасць сырога малака прыкладна на 5% ніжэйшая, чым у мінулым. Прычына гэтага - скарачэнне пагалоўя, нягледзячы на павелічэнне спажывання малочных прадуктаў на 5-8%.
У 2012 годзе ў Расіі было выраблена 32 млн т малака. Намеснік старшыні аграрнага камітэта Думы Айрат Хайрулін сітуацыю з цэнамі на малако каментуе наступным чынам: «Сучасная малочная вытворчасць, якая пакуль не акупляецца, бо ў яе яшчэ інвестуюцца грошы, можа прадаваць малако не ніжэй за 20-22 руб. за 1 кг, а субсідыі на літр малака павінныя скласці 3,5-5 рублёў».
Патрэба краіны ў малацэ і малочных прадуктах ацэньваецца ў 41,8-42 млн т у год. Высокія цэны на малако прывядуць да эканоміі сыравіны за кошт выкарыстання больш танных тлушчаў жывёльнага паходжання і пальмавых алеяў, імпарт якіх у гэтым годзе вырас больш чым на 30%.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары