U Rasii ceny na małako dasiahnuli maksimumu za apošnija 15 hadoŭ
U Rasii ŭstalavalisia rekordna vysokija ceny na syroje małako za apošnija 15 hadoŭ. Pavodle dadzienych Rasstata, siaredniaja cana na małako ŭ mai skłała kala 15 rubloŭ za 1 kh.
U pačatku hoda rost cen strymlivaŭsia pastaŭkami małočnaj pradukcyi ź Biełarusi i dalokaha zamiežža, ale ŭ krasaviku zapasy hetych krain padyšli da kanca. Pavodle dadzienych Minsielhasa, sioleta vytvorčaść syroha małaka prykładna na 5% nižejšaja, čym u minułym. Pryčyna hetaha - skaračeńnie pahałoŭja, niahledziačy na pavieličeńnie spažyvańnia małočnych praduktaŭ na 5-8%.
U 2012 hodzie ŭ Rasii było vyrablena 32 młn t małaka. Namieśnik staršyni ahrarnaha kamiteta Dumy Ajrat Chajrulin situacyju z cenami na małako kamientuje nastupnym čynam: «Sučasnaja małočnaja vytvorčaść, jakaja pakul nie akuplajecca, bo ŭ jaje jašče inviestujucca hrošy, moža pradavać małako nie nižej za 20-22 rub. za 1 kh, a subsidyi na litr małaka pavinnyja skłaści 3,5-5 rubloŭ».
Patreba krainy ŭ małace i małočnych praduktach aceńvajecca ŭ 41,8-42 młn t u hod. Vysokija ceny na małako pryviaduć da ekanomii syraviny za košt vykarystańnia bolš tannych tłuščaŭ žyviolnaha pachodžańnia i palmavych alejaŭ, impart jakich u hetym hodzie vyras bolš čym na 30%.
Kamientary