Саша Варламаў: Ганаруся сваёй працай і спадзяюся дачакацца справядлівага прысуду
Прысуд будзе абвешчаны 23 ліпеня.
Сёння мадэльер выступіў у судзе з апошнім словам.Напачатку сп. Варламаў працытаваў пасланне апостала да карынфянаў: «Які воін служыць
«Я магу ўявіць, як сёння кожны чалавек, які ходзіць на працу, сам забяспечвае сябе сталом, стулам, транспартам, аплочвае тэлефонныя размовы. Я бы паставіў умову: які воін???»
Варламаў зазначыў, што заробку не было ні ў яго самога, ні ў супрацоўнікаў, ні ва ўдзельнікаў праекту. Наадварот, пры дапамозе ўсіх гэтых людзей праект «Млын моды» і працягваў сваё існаванне.
«З любога чайніка, з любога праса гучала рэклама пра „Млын“, і дзякуючы гэтаму мы выязджалі. Я рабіў (праект) без усяго.
Я разумеў, што мне трэба было шукаць грошы самастойна. Гэта адбывалася да 2011 г. — без адзінай капейкі. Вось так я быў вымушаны, як воін, быць на сваім забеспячэнні».
«Змоўчанне не ёсць хлусня, часам яно ўхваляецца законам».
«Я магу сабе ўявіць, каб у сусвеце ўся праўда была б адкрыта: пра кожнага чалавека, краіну, пра ўсіх наогул — ці змог бы тады трымацца сусвет? Таму я абсалютна дакладна ведаў, што чым больш непатрэбнай інфармацыі у калегаў, тым больш яны занятыя сваімі справамі.
Апошняя паездка 2011 г. паказала, колькі моцы займалі пытанні «а куды дзеліся грошы».
Калі
Таму змоўчанне гэта не хлусня, часам яно не толькі дазваляецца, але і ўхваляецца маральным законам.
Евангелле ад Іаана: «Не можа чалавек нічога прымаць на сябе калі не будзе дадзена яму з неба»
Вось я і разважаю: дапамогі няма, а якім чынам трымаецца праект? Гэта было трэба самім дызайнерам, без «Млына моды» не змагло б з’явіцца столькі імёнаў, маладых дызайнераў не было б наогул.Яны з’явіліся дзякуючы гэтаму праекту, на яго падставе пачалі ладзіцца тыдні моды Мінска, Беларусі.
Калі б гэта не было пасеяна, не вырасла, не было б чаго збіраць. Праект быў неабходны дызайнерам, краіне.
Мы працавалі за мяжой і ведалі, што адстойваем краіну, у якой мы будзем жыць, у якой будуць выхоўвацца нашыя дзеці.
«Калі справа ад чалавека, яназруйнуецца, а калі ад Бога, то вы не зможаце яго парушыць» (Дзеі 5:38–39)
І вось я ў турме, а «Млян моды» праводзіцца.Я не буду даваць ацэнку якасці. Бо не ведаю, у якім стане праект зараз, але важна, што дызайнеры зараз вучацца. А калі гэта былоб незапатрабавана, гэта рассыпалася б.
Я ў турме ўжо трэці год, калі больш дакладна — 2 гады і 2 месяцы. «Млын моды» спрабавалі прыбраць, але ні ў кога гэта не атрымалася.
А колькі цэнтраў моладзевай моды можна было б зрабіць на грошы, якія выдаткаваныя на следства? Можна было б адразу аддаць гэтыя грошы маладым дызайнерам — так было б нашмат прасцей.
Я ганаруся сваёй працай, тым, што разам з удзельнікамі праекту мы штораз у кожнай краіне, у якую выязджалі, чулі: «Вы для сваей краны зрабілі шмат»…
Усе грошы пад выглядам сутачных былі з ліхвой выдаткаваныя на правядзенне праекта. Я не кажу, колькі грошай было выдаткавана мной, мецэнатамі, спонсарамі.
Я ганаруся гэтай працай, ёй ганарацца удзельнікі, жыхары, якія пішуць мне.Праект быў прыгожы з усіх бакоў. Акрамя таго, дзе я не меў дачынненне. Я не бухгалтар, не спецыяліст.
Спадзяюся на аб’ектыўны суд, хачу пражыць рэшту жыцця ў сваёй сям’і. Магу сказаць, што трымаюся з апошніх сіл, бо хачу дачакацца справядлівага прысуду.
***
24 чэрвеня пракурор папрасіў для Аляксандра Варламава 5 гадоў пазбаўлення волі з канфіскацыяй маёмасьці і забаронай займаць кіроўныя пасады. Пракурор прасіў суд прызнаць Варламава вінаватым ва ўхіленні ад падаткаў і эканамічных злоўжываннях. Варламаў прызнаў толькі віну ў нявыплаце падаткаў. Адвакат просіць апраўдаць падабароннага.
За кратамі мадэльер знаходзіцца ад мая 2011 г. Суд распачаўся ў лютым 2013 года.
Каментары