Рух у бок Уручча спыніўся з-за аварыі ў раёне Нацыянальнай бібліятэкі. Пра гэта паведамляюць мінчане ў сацыяльных сетках.
«Паралізаваны рух па праспекце Незалежнасці ў бок Уручча… Жэсць, я даўно такога не бачыў, — піша ў сваім акаўнце ў «Твітары» карыстальнік Nikitka. - Вялізны затор у сувязі з аварыяй».
На месца здарэння прыбылі машыны «хуткай дапамогі». Аб пацярпелых не паведамляецца. Тым часам рух спыніўся ад аўтастанцыі «Маскоўская» амаль да МКАД.
«Затор па праспекце Незалежнасці да станцыі метро «Уручча», - паведамляе карыстальнік 6ei6ei.
Відавочцы пішуць пра тое, што праз паўгадзіны пасля здарэння затор паступова пачаў знікаць.
Каментары