11 кастрычніка падчас ІІІ Міжнароднага Кангрэсу даследчыкаў Беларусі ў Каўнасе абмяркоўвалі праблемы і выклікі сучаснай Беларусі.
Кандыдат эканамічных навук, дацэнт Беларускага дзяржаўнага эканамічнага ўніверсітэта Уладзімір Паплыка ў сваім выступе «Тэндэнцыі ў прамысловасці Беларусі» сцвярджае, што ў эканоміцы Беларусі з 1990 года назіраюцца рэгрэсіўныя тэндэнцыі.
Даследчык паведаміў, што жадаў прааналізаваць эфектыўнасць эканомікі Беларусі ў якасным вымярэнні. Для гэтага ён прааналізаваў статыстыку занятасці ў трох сектарах эканомікі, згуртаваных паводле характару канечнага прадукту: сыравіннай (якая займаецца здабычай карысных выкапняў і вырабніцтвам сыравіны), матэрыяльнай (якая выпускае матэрыялы са здабытай сыравіны) і прамысловасці канечнай апрацоўкі і сборкі (якая выпускае складаныя прадукты: машынабудаўніцтва, аптычная, электронная прамысловасць і г.д.).
Паводле дадзеных Паплыкі, з 90-х гадоў занятасць у І тыпе прамысловасці амаль не змянілася, бо здабыча сыравіны ў Беларусі застаецца на дастаткова стабільным узроўні. А занятасць у ІІ тыпе прамысловасці павялічылася на 2%. У той самы час ІІІ тып прамысловасці страціў 2% работнікаў.
«Прамысловасць Беларусі развівалася, як і ў любой індустрыяльнай краіне: ад сыравіннай, да вытворчасці матэрыялаў і далей да дасканалых тыпаў вытворчасці. Аднак у Беларусі з 1990 года мы бачым паварот назад, да эканомікі ІІІ тыпу. Тое самае бачна і ў структуры інвестыцый. Яны павялічваюцца ў сыравінныя віды вытворчасці і памяншаюцца ў прамысловасць ІІ тыпу. А інвестыцыі ў ІІІ тып прамысловасці застаюцца на дастаткова невялікім узроўні.
Між тым эканомікі краін з высокім узроўнем жыцця, графік будзе ўсё больш і больш кіравацца ў бок ІІІ тыпу, што характэрна для постіндустрыяльнага стану эканомікі. Такі паварот — трывожны знак для эканомікі Беларусі», — паведаміў ён.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны33
Каментары