Забыў барсетку ў банку — вярнулі, але выцягнулі 700 даляраў
Выпадак адбыўся ў Вілейцы 5 кастрычніка.
Каля 13 гадзін у зале абслугоўвання наведвальнікаў цэнтра банкаўскіх паслуг філіяла «Беларусбанка» на прылаўку каля касы 57-гадовы мужчына забыў барсетку.
Неўзабаве пра гэта ўспомніў. Вярнуўся ў банк, але яго барсетку ўжо знайшлі людзі і перадалі адміністратару.
«Аднак пры праверцы барсеткі, гаспадар убачыў, што адтуль знікла 700 даляраў, – расказаў намеснік начальніка Вілейскага райаддзела Следчага камітэта Яўген Мягкоў. – 14 кастрычніка пасля праведзенай праверкі заведзена крымінальная справа за крадзеж».
Каментары