Дзве найбуйнейшыя партыі Германіі — Сацыял-дэмакратычная і саюз ХДС/ХСС — афіцыйна абвясцілі пра дасягненне кампрамісу па асноўных параметрах эканамічнага курсу, што дазволіць сфармаваць новы ўрад.
Адной з галоўных умоў названа ўвядзенне адзінага для краіны мінімальнага ўзроўню пагадзіннай аплаты працы памерам 8,5 еўра [з кастрычніка ў Беларусі мінімальны пагадзінны заробак складае 0,7 еўра — НН].
Зараз у кожным рэгіёне прымяняецца ўмоўны паказчык «мінімальны ўзровень жыцця», аналаг пражытачнага мінімуму ў Беларусі, і гарантуе яго не працадаўца, а дзяржава.
Яго ўзровень на ўсходзе краіны прыкметна ніжэйшы, чым у заходняй частцы.
Паводле ацэнак German Institute for Economic Research, зараз да новага мінімуму ў Германіі недацягваюць заробкі прыкладна 25% жанчын і 15% мужчын.
Сярэдні заробак у Германіі цяпер па краіне складае 9,62 еўра ў гадзіну, нізкааплатнымі работнікамі лічацца тыя, хто атрымлівае менш за 6,35 еўра за гадзіну — гэта пятая частка ўсіх занятых.
Між тым праціўнікі ўвядзення мінімальнай пагадзіннай аплаты працы асцерагаюцца росту беспрацоўя ў краіне, звязваючы яе нізкі цяперашні ўзровень (5,2 % у верасні супраць 12,2 % у сярэднім па краінах зоны еўра) з больш гнуткім фарміраваннем заробкаў супрацоўнікаў.
Побач з Лукашэнкам на хакеі з'явілася новая прыгажуня10
Каментары