Нацыянальную валюту аслабляюць, каб падтрымаць экспарт
На працягу мінулага тыдня прапанова даляраў ЗША зьнізілася да $62 млн., попыт таксама паменшыўся і склаў $88,9 млн., паведамляе эканамічны тыднёвік «Белорусы и рынок». Курсы эўра і расейскага рубля ў адносінах да беларускага рубля вырасьлі на 0,72 і 0,42% адпаведна.
У верасьні прапанова даляраў на Беларускай валютна-фондавай біржы склала $304 млн. Гэта ў 1,5 разы менш за аб’ём попыту і на чвэрць менш, як у верасьні мінулага году. Адначасова стала заўважным істотнае адставаньне прапановы ад попыту эўра і расейскага рубля.
Адносна эўра нацыянальная валюта патаньнела на 3,92%, у адносінах да расейскага рубля — на 2,81%, адносна даляра ЗША — на 0,09%.
Каментары