Былая віцэ-прэзідэнтка ЗША 61‑гадовая Камала Харрыс заявіла, што разглядае магчымасць свайго ўдзелу ў прэзідэнцкіх выбарах 2028 года. Пра гэта яна сказала падчас выступу на канферэнцыі ў Нью-Ёрку, паведамляе Reuters.
«Я магла б. Магла б. Я думаю пра гэта. Я чатыры гады была за адзін крок ад прэзідэнцтва. Я ведаю, што гэта за праца. І я ведаю, чаго яна патрабуе», — заявіла Харыс.
Камала Харыс ужо мае досвед удзелу ў прэзідэнцкай гонцы. У 2024 годзе яна была кандыдаткай ад Дэмакратычнай партыі, але выбары выйграў Дональд Трамп, які пачаў свой другі прэзідэнцкі тэрмін у 2025 годзе. Яшчэ раней, у 2019 годзе, яна таксама спрабавала стаць кандыдаткай ад дэмакратаў, але зняла сваю кандыдатуру падчас перадвыбарчай кампаніі.
З 2021 года Харыс займала пасаду віцэ-прэзідэнткі ў адміністрацыі Джо Байдэна. На гэтай пасадзе яна была адной з ключавых фігур у амерыканскай палітыцы і займалася як унутранымі, так і знешнімі пытаннямі.
Раней Харыс ужо намякала на свой магчымы ўдзел у наступных выбарах. У канцы 2025 года ў інтэрв'ю Бі-бі-сі яна сказала: «Я яшчэ не скончыла». З таго часу яна выпусціла аўтабіяграфічную кнігу пра сваю кампанію, правяла кніжны тур і ў гэтым месяцы выступае на мерапрыемствах Дэмакратычнай партыі ў чатырох паўднёвых штатах, паведамляе CNN.
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары