Аўтамабіль Дзяржаўтаінспекцыі ўзляцеў у паветра і перакуліўся.
Здарэнне адбылося ўначы на 20 снежня каля вёскі Новая Стража Слонімскага раёна Гродзенскай вобласці.
Як паведаміла прэс-служба абласнога ДАІ, патрульная машына рухалася ў бок Слоніма, калі на вялізнай хуткасці яе пратараніла «Аўдзі А8». Ад удару ззаду патрульны аўтамабіль адарвала ад зямлі, ён праляцеў некалькі метраў і апынуўся на даху ў кювеце. На шчасце, супрацоўнікі ДАІ сур'ёзна не пацярпелі. Іх заціснула ў салоне, выбрацца ім дапамаглі кіроўцы машынаў, якія сталі сведкамі здарэння.
«Аўдзюха» ж з'ехала ў бок Слоніма. Усіх супрацоўнікаў ДАІ рэгіёна паднялі па трывозе. А 5-й гадзіне раніцы віноўніка аварыі і пасажыра, які быў разам з ім, знайшлі ў прыдарожнай кавярні. Хлопцы распівалі алкагольныя напоі.
Прадстаўнікі «залатой моладзі» Слоніма, работнікі аднаго з самых паспяховых мясцовых прадпрыемстваў, спачатку рабілі выгляд, што не разумеюць, чаму іх затрымалі. Але пазней яны прызналі сваю віну, раскаяліся і паведамілі, што на момант аварыі ехалі з хуткасцю 200 кіламетраў за гадзіну.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары