Прадстаўнік Мінгандлю: «Практычна на кожным другім аб'екце гандлю рэалізуецца пратэрмінаваны тавар»
Міністэрства гандлю трымае на асаблівым кантролі працу абектаў гандлю і грамадскага харчавання ў Мінску напярэдадні чэмпіянату свету па хакеі.
«Да старту чэмпіянату свету па хакеі ў Мінску засталося не так шмат часу, і мы трымаем на асаблівым кантролі працу аб`ектаў, якія будуць абслугоўваць гасцей і жыхароў Мінска ў гэты перыяд. У адпаведнасці з заканадаўствам рэжым праверкі такіх аб`ектаў павінен супадаць з рэжымам іх працы», — адзначыў падчас анлайн-канферэнцыі на сайце БЕЛТА начальнік упраўлення кантролю спажывецкага рынку — гандлёвай інспекцыі Мінгандлю Валяр`ян Бяспалы.
Паводле слоў чыноўніка, ужо праведзены праверкі аб'ектаў гандлю і грамадскага харчавання, якія працуюць на тэрыторыі Нацыянальнага аэрапорта Мінск і сталічнага чыгуначнага вакзала. Вынікі гэтых праверак будуць разглядацца на пасяджэнні камітэта пад старшынствам міністра гандлю.
«На жаль, парушэнняў было ўстаноўлена дастаткова шмат, — паведаміў Бяспалы. — У прыватнасці, высветлілася, што практычна ў кожным другім аб`екце гандлю рэалізуецца пратэрмінаваны тавар.
Адпаведна, і попыт з суб`ектаў гаспадарання будзе ўзмоцнены, у першую чаргу з тых, што ажыццяўляюць дзейнасць на тэрыторыі аэрапорта і вакзала. Гэта твар нашага горада».
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары